36 Iyan sikandan midseriǥan te ked-atur te tabla he elavat duen te Tulda, menge marku, menge tukud, wey menge pundasyun kayi. Kandan he ketengdanan is langun he menge vuluhaten he egkeǥemitan kayi he menge gelemiten.
Ne isanggat niw ziyà te menge kaw-it he vulawan he idtaud diyà te heepat he tukud he ekasya he ed-epizan te vulawan he ziyà ibpehitindeg te heepat he untuzà he pelata.
Ne para kayi he kurtina, baal kew te lelima he tukud he ekasya he ed-epizan te vulawan, ne itaud niw ziyà te kada sevaha zutun is kaw-it he vulawan. Ne vaal kew zaan te lelima he brunsi he ebpehitindeǥan dutun te menge tukud.”
Beeli zan is Tulda he Ed-ezapan, is menge tambun dutun, is menge edsenggatan, is menge elavat he tabla, menge marku, menge tukud dutun, wey is menge pundasyun.
Ne ziyè dan haazà ipikit te mibeelan dan he heepat he menge tukud he ekasya he mibpen-epizan te vulawan wey midteuzan daan te vulawan he menge kaw-it. Ne ziyà haazà ipehulma is menge tukud te menge peuntuzà he pelata.
Ne impeehè dan diyà te ki Moises haazà is Tulda he Ed-ezapan wey is langun he menge gelemiten dutun: is menge kaw-it, menge elavat, menge marku, menge tukud, menge pundasyun,
Imbeǥey zin is heepat he kerumata wey walu he vaka ziyà te menge kevuwazan ni Merari he para te vuluhaten dan. Iyan heini sikandan is langun ebpenguluwan ni Itamar he anak ni Aaron he memumuhat.
