Numero 28:19 - Manobo Western Bukidnon OT

¹⁹ Pemuhata niw is Nengazen te pemuhat he edtutungen he zezuwa he turiti he vaka, sevaha he meǥurang en he meemahan he kerehidu, wey pitu he nati he menge kerehidu he tig senge-tuig is keǥurang dan. Heini is langun kinahanglan he wazè dan sazir.

Numero 28:19 교차 참조

2 Cronica 35:12

Ne mibahin dan haazà diyà te kada grupu te menge pemilya is menge pemuhat he edtutungen he para ibpemuhat diyà te Nengazen, sumalà te ingkesurat diyà te libru ni Moises. Ne iring ded dutun is mibeelan dan duen te menge vaka.

Leviticus 1:3

Emun baka is ibpemuhat din he iyan pemuhat he edtutungen, kinahanglan he meemahan heini he wazè din sazir, ne ipemuhat din heini ziyà te ǥemawan te Tulda he Edtelevukaayan, su para zewata sikandin te Nengazen.

Leviticus 22:20

Kenè kew mebpemuhat te zuen din sazir su kenè ku heini edewaten.

Numero 28:20

Dutun te kebpemuhat niw kayi, lepiki niw heini te meupiya he kelasi he herina he midsehuǥan te lana–heenem he kilu zutun te herina is idlapik niw zuen te kada sevaha he turiti he vaka, heepat he kilu is idlapik niw zuen te meǥurang en he kerehidu.

Numero 28:31

Ipemuhat niw heini zuma zuen te pemuhat he inumen, iuman heini zuen te ibpemuhat niw kada andew he pemuhat he edtutungen wey pemuhat he para gasa. Kinahanglan he haazà he menge uyaǥen wazà duen igkesawey.

Numero 29:8

Ne pemuhat kew te menge pemuhat he edtutungen he ebpekepenunuat te Nengazen is kehemut din: he sevaha he meemahan he nati he vaka, sevaha he meǥurang en he meemahan he kerehidu, wey pitu he nati he meemahan he menge kerehidu he tig senge-tuig is keǥurang dan. Ne langun kayi kinahanglan he wazè dan sazir.

Deuteronomio 15:21

Piru emun duen sazir zutun he uyaǥen, emun penenglitan piang etawa bulag etawa zuma he sazir, ne kinahanglan he kenè niw heini ipemuhat diyà te Nengazen he Megbevayè niw.

Deuteronomio 16:2

Pemuhat kew te kerehidu etawa vaka zutun te kedsilibraha niw te Pista te Kedlavey te Belinsuǥuen. Ipemuhat niw heini para te Nengazen he Megbevayè niw ziyà te lugar he ebpilien din he zutun sikandin ebeǥayi te zengeg.