19 Ipehitindeg nu sikandin diyà te etuvangan ni Eleazar he memumuhat wey ziyà te langun he menge etew ne ipetueni nu kandan he mibpilì nu sikandin he ilis kenikew.
Piru penurua nu si Josue te ereg he ebeelan din. Desiǥa nu sikandin su iyan sikandin ebpengulu kayi te menge etew te kedlayun te Jordan. Ibpemeǥey zin kandan haazà is tanà he egkeehè nu zà mulà!’
Ne mibmenduan te Nengazen si Josue he anak ni Nun te: “Mebpekezesen ka wey mebpekevurut ka, su iyan ka ed-uwit te menge Israilihanen diyà te tanà he impenangdù ku kandan, ne eduma a kenikew.”
Iyan mismu is Nengazen he Megbevayè niw edhuna zutun te kedlayun niw. Edezeetan din is menge etew ziyà te menge nasyun dutun ne ed-engkenen niw is menge tanè dan. Si Josue is ebpengulu keniyu te kedlayun su iyan heeyan migkaǥi te Nengazen.
