Numero 27:17 - Manobo Western Bukidnon OT

¹⁷ he ebpengulu kandan duen te tebek, su para kenà meiring is menge etew nu te menge kerehidu he wazà duen ebantey.”

Numero 27:17 교차 참조

2 Samuel 5:2

Puun pa zengan, minsan te iyan pa si Saul hadì dey, ne iyan ke pa nengulu te menge Israilihanen te kebpekidtebek. Ne migkeǥiyan ka te Nengazen te, ‘Elimahi nu is menge etew ku he Israilihanen te iring te ked-elima te ebantey te menge kerehidu. Iyan ka egkehimu he pengulu zan.’ ”

1 Hadì 22:17

Umbe, migkaǥi si Micaya te, “Neehè ku pinaaǥi te mibpelewasan kedì he is menge Israilihanen ne nekedsusuwey ziyà te menge vuvungan he iring te menge kerehidu he wazà ed-elima kandan, ne migkaǥi is Nengazen te, ‘Heini he menge etew ne wazè dan en pengulu. Ipeulì sikandan he melinawen.’ ”

1 Hadì 3:7

Nengazen he Megbevayè ku, iyan a is suluǥuen nu in-ilis nu te amey ku he si David te kedhadì, minsan menguhed e pa he kenà metau he ebpengulu.

2 Hadì 11:8

Kinahanglan he ebpurungan niw ebentayi is hadì he andam is menge ǥumaan niw, ne zumahi niw sikandin minsan hendei ebayà. Himetayi niw is minsan hentei he ed-uvey ziyà te kandin.”

2 Cronica 1:10

Beǥayi a te ketau wey keuluwanen wey ku mezumala heini he keet-etawan. Su hentei zà buwa etawa is ebpekehimu he edumala kayi te utew mezakel he keet-etawan nu?”

2 Cronica 18:16

Umbe, migkaǥi si Micaya te, “Neehè ku pinaaǥi te mibpelewasan kedì he is menge Israilihanen ne nekedsusuwey ziyà te menge vuvungan he iring te menge kerehidu he wazà ed-elima kandan, ne migkaǥi is Nengazen te, ‘Heini he menge etew ne wazè dan en pengulu. Ipeulì sikandan he melinawen.’ ”

Ezekiel 34:5

Ne ǥeina te wazà ebantey kandan, nekepeyapat sikandan ne mibpendawi te zumezaas he menge langgam.

Zacarias 10:2

Benar iyan, kenà ereg he edtuuwan is duma he menge ed-ezapen wey is menge menenagnà. Edseysey zan te sayep he kehuluǥan te menge teǥeinep. Wazà pulus te menge lalag dan he idasig. Umbe neiring is menge etew te Israel te menge kerehidu he nengetazintazin. Nerasey zan su wazè dan pengulu.

Zacarias 13:7

Migkaǥi is Nengazen he Mekeǥeǥehem te, “Endama is ispada! Himetayi is perevantey ku te menge kerehidu he suluǥuen ku. Himetayi sikandin su wey mekedsusuwey is menge kerehidu, is egkaayuayu he menge etew ku. Ne edsilutan ku sikandan.

Deuteronomio 31:2

Ke sikandin te, “120 he tuig is keǥurang ku ne kenà ad ebpekehimu he ebpengulu keniyu. Migkaǥi is Nengazen kayi te kedì he kenà a ebpekelayun te Jordan.

1 Samuel 18:13

Umbe, impekeziyù din si David kandin, ne midhimu zin he peremandar te 1,000 he sundaru. Umbe iyan si David egalen te menge sundaru te kebpekidtebek.

1 Samuel 8:20

Para egkeiringan dey is duma he menge nasyun he zuen dan hadì su wey zuen ebmandù wey ebpengulu kenami te kebpekidtebek.”