Numero 25:1 - Manobo Western Bukidnon OT

¹ Dutun te migkampu is menge Israilihanen diyà te Shitim, is menge maama kandan mibpuun mebpekidhilavet te menge vahi he Moabitanhen.

Numero 25:1 교차 참조

2 Hadì 23:7

Imperundus din daan is menge valey te menge maama wey menge vahi he ebelegyà te zengeg dan, he ziyà te uvey te valey te Nengazen he zutun ebpenahì is menge vahi te menge visti he egemiten te ked-azap ki Ashera.

Salmo 106:28

Ne mibpevayàbayà sikandan te ed-ezapen he si Baal ziyà te Buvungan te Peor, ne migkaan sikandan te impemuhat diyà te menge minatey.

Exodus 22:19

“Is minsan hentei he edtambid te ayam kinahanglan he edhimetayan.

Exodus 34:15

Kenè kew mebpekid-uyun diyà te menge etew he ebpemen-ubpà diyà te tanà he ebeyaan niw, su emun ed-ezapen dan wey ebpemuhaten dan is menge ed-ezapen dan, ne egkehimu he edhinggaten kew zan te keduma kandan, ne egketintal kew te kegkaan te keenen he impemuhat dan diyà te menge ed-ezapen dan.

Megwewali 7:26

Nesusi ku he is meungangen he vahi ne mepait pa te kemetayen. Is arig din ne iring te litag, wey is menge velad din he igkepkep din kenikew ne iring te kedina. Ebpekelikey kandin is ebpenunuat te Megbevayà, iyan, egkelitag din mulà is mekesesalà.

Jeremias 40:11

Nezineg daan te menge Judio he nemelaǥuy ziyà te Moab, Ammon, Edom, wey zuma pa he menge nasyun he intuǥut ni Hadì Nebucadnezar he zuen egketaǥak he menge etew ziyà te Juda ne iyan midhimu si Gedalia he anak ni Ahikam wey apù ni Shafan he pengulu kayi he menge etew.

Ezekiel 20:21

“ ‘Piru minsan is menge anak dan midsupak daan kedì. Wazè dan purungi tumana is menge suǥù ku wey menge sulunuzen, he iyan pezem ibpekepedayun te kegkeuyag-uyag dan is kedtumana kayi. Ne wazè dan daan isipa he segradu is Andew te Kedhimeley he impetuman ku kandan. Umbe migkaǥi a he ibpeǥezaman ku kandan dutun te sibsivayan is utew ku kegkepauk.

Hoseas 9:10

Migkaǥi is Nengazen te, “Menge tig-Israel, hein mibpilì ku is menge kepuun niw para mehimu he menge etew ku, ne utew a nelipey. Iring te etew he nelipey su nekaahà te midtuvù he paras diyà te disirtu etawa nekaahà te nehuna he veǥas te higus. Piru hein midhendiyè dan te Baal Peor, impehinungud dan is untung dan diyà te mekeeled-eled he ed-ezapen ne neiring sikandan kezaat dutun te ed-ezapen he mibmahal zan.

Micas 6:5

He menge etew ku, tentenuzi niw he midsuǥù ni Hadì Balak he hadì te Moab si Balaam he anak ni Beor te kedrawak keniyu piru penuvadtuvad keniyu is impekaǥi ku ki Balaam. Tentenuzi niw zaan ke mibmenumenu ku sikiyu te edtavang hein midhipanew kew puun te Shitim pehendiyà te Gilgal. Tentenuzi niw heini he menge hitavù su wey niw meisip-isip is kedlibriya ku keniyu.”

Numero 25:17

“Isipa niw he kuntada niw is menge Midianhen, ne penhimetayi niw sikandan,

Numero 31:2

“Belesi nu is menge Midianhen te mibeelan dan diyà te menge Israilihanen. Ne kegkepasad nu zutun, ebpatey ke en.”

Numero 33:49

Migkampu sikandan diyà te kilid te Jordan puun te Bet Jeshimot taman te Abel Shitim he sakup gihapun te suǥud te Moab.

Deuteronomio 3:29

Ne mid-ubpè kiw ziyà te suǥud-suǥud he uvey te Bet Peor.”

Deuteronomio 32:38

Hendei en is menge ed-ezapen dan he egkaan te tavà te menge ibpemuhat dan wey ed-inum te pemuhat dan he vinu? Petavang kew kandan, aput kew ziyà te kandan!

Deuteronomio 4:3

Neehè niw is mibeelan te Nengazen diyà te Baal Peor. Mibpenhimetayan te Nengazen he Megbevayè niw is duma niw he menge Israilihanen he mid-azap ki Baal.

Josue 2:1

Ne zutun meeles he midsuǥù ni Josue is dezuwa he etew puun te kampu te menge Israilihanen diyà te Shitim su para mekepeniid diyà te Canaan, lavew en te inged he Jerico. Ne hein nekeuma ziyà te Jerico haazà is dezuwa he meniniid, ne ziyè dan medateng te valey ni Rahab; heini he vahi ebelegyà te zengeg din.

Josue 22:17

Kenè pe be ereg is salà he neveelan tew ziyà te Peor? He tenged dutun mibpeeǥiyan kiw te Nengazen te vangkit, he minsan ganì guntaan kemulu tew pa ed-entusa is rimeǥas din.

Josue 3:1

Utew midsayu med-enew si Josue wey is menge Israilihanen. Mid-awè dan diyà te Shitim ne midhendiyè dan te Wahig he Jordan. Migkampu zan dèpa zutun, te wazè pa sikandan medlayun.