Numero 24:20 - Manobo Western Bukidnon OT

²⁰ Naahà ni Balaam diyà te kebpekelawas din is menge etew ni Amalek ne migkaǥi sikandin te, “Dengan iyan lavew he nasyun is Amalek, piru te huziyan he timpu egkezeetan heini.”

Numero 24:20 교차 참조

Genesis 36:12

Ne zuen daan anak din diyà te esawa zin he si Timna he si Amalek. Iyan sikandan menge apù ni Esau ziyà te esawa zin he si Ada.

1 Cronica 4:43

Mibpenhimetayan dan dutun is nesamà he menge Amalikanhen, ne zutun dan en med-ubpà taman en guntaan.

Ester 3:1

Ne liwas te kegkeul-ulaha kayi, impeuswag ni Hadì Ahasuerus is ketengdanan ni Haman he anak ni Hamedata te kevuwazan ni Agag. Midhimu zin sikandin he pinekelavew he upisyal te ginhedian din.

Ester 9:14

Ne insuǥù dutun te hadì he edtumanen is hangyù ni Ester. Impehibelu te menge meǥinged diyà te Susa haazà is suǥù te hadì. Ne impevitey zan sikan is sepulù he menge anak ni Haman he nemematey en.

Exodus 17:14

Ne migkaǥi is Nengazen diyà te ki Moises te, “Isurat nu heini zuen te libru para kenà heini melipati ne ipehibelu nu heini ki Josue: Edezeetan ku is menge Amalikanhen.”

Exodus 17:16

Ke sikandin te, “Tenged te impaahà te menge Amalikanhen is kedsukul zan te Nengazen, ne kenà ed-engkezan te Nengazen te edtebek is menge Amalikanhen taman te taman.”

Exodus 17:8

Midsurung te menge Amalikanhen is menge Israilihanen hein diyè dan pa te Refidim.

Numero 24:19

Edumala is sevaha he pengulu te Israel ne edezeetan din is egkesamà he menge uuyag diyà te inged he Moab.”

Numero 24:24

Ebpekeuma is menge varku he ebpuun diyà te Kitim ne edsekupen dan is menge etew ziyà te Asiria wey Eber. Piru egkezeetan daan is Kitim.”

Numero 24:7

Edrepey is wahig diyà te teleǥuey zan, ne ebpemula zan te menge lisu ziyà te menge tanà he wehiǥen. Is menge hadì dan egkehimu he edhuna pa he gehemanen kenà ki Agag he hadì te menge Amalikanhen. Ne egkevantug is ginhedian dan.

Zatù 6:3

Emun ebpemula is menge Israilihanen, segugunà sikandan edsurunga te menge Midianhen, Amalikanhen, wey zuma pa he menge etew ziyà te edsilaan.

1 Samuel 14:48

Mevurut sikandin he ebpekidtebek, wey nezaag din daan is menge Amalikanhen. Te heini he paaǥi midluwas din is menge Israilihanen puun te gehem te langun he menge midsurung kandan wey te mibpen-aǥew te menge azen dan.

1 Samuel 15:2

‘Edsilutan ku is menge Amalikanhen tenged te kedsurunga zan te menge Israilihanen te kebpuun dan diyà te Ehipto.

1 Samuel 30:1

Hein iketelu en he andew, nekeuma si David wey is menge sakup din diyà te Ziklag. Netuenan dan he midsurung te menge Amalikanhen is Negev, apil en is Ziklag. Mibinsulan dan is Ziklag

1 Samuel 30:17

Midsurung sikandan ni David duma is menge sakup din, ne dezuwa he kezukileman is kedtebek dan taman te mid-uman en maan mebmezukilem. Ne wazà minsan sevaha he nekepelaǥuy gawas te 400 he menge betan-en he nemen-untud te kemilyu he nemelaǥuy.