Numero 23:27 - Manobo Western Bukidnon OT

²⁷ Mid-uman megkaǥi si Balak diyà te ki Balaam te, “Hendini ka, su edumahan ku sikew ziyà te selakew en maan he lugar. Su kela ke zutun he lugar ebpezumezume en is Megbevayà he edrewakan nu is Israel para kedì.”

Numero 23:27 교차 참조

Job 23:13

Piru ebayàbayà is Megbevayà ke hengkey is ebeelan din; wazà ebpekevelavag kandin. Ebeelan din is egkesuatan din te ebaal.

Erubasa 19:21

Mahabet is pelanu te etew piru iyan gihapun egkeulaula is egkesuatan te Nengazen.

Erubasa 21:30

Wazà edlampus he ketau, kedsavut, etawa sambag he igkuntra te Nengazen.

Isaias 14:27

Wazà ebpekehimu he edhalin te pelanu te Nengazen he Mekeǥeǥehem. Wazà ebpekeeǥen kandin emun edsilut.

Malakias 3:6

Migkaǥi pa is Nengazen he Mekeǥeǥehem, “Siak, is Nengazen, kenà a egkahalin. Umbe wazè kew mepuew is menge kevuwazan ni Jacob.

Numero 22:6

Umbe hendini ka ǥuntaan ne rewaki nu heini he menge etew, su edhuna sikandan he gemhanan kenami. Su kela ke mezaag ku zed sikandan ne egkesegseg ku puun kayi te tanè ku. Su netuenan ku he egketuman is ibpenuvadtuvad nu wey is idrawak nu te minsan hentei.”

Numero 23:13

Ne migkeǥiyan ni Balak te, “Ebpezumehè ki ziyà te sevaha pa he lugar he zutun egkeehè nu is senge vahin dà duen te menge etew te Israel, ne kenà langun sikandan. Ne zutun rewaki nu sikandan.”

Numero 23:26

Ne midtavak si Balaam te, “Kenè be migkaǥi ku en diyà te kenikew he kinahanglan he ebeelan ku is egkeǥiyen te Nengazen kayi te kedì?”

Numero 23:28

Umbe, miduma ni Balak si Balaam diyà te puntur te Peor, he egkepantew zutun is sibsivayan diyà te alug.