Biblia Todo Logo
온라인 성경

- 광고 -




Numero 23:21 - Manobo Western Bukidnon OT

21 Wazè ku naahà he kezeetan etawa kelised he egkehitavù diyà te Israel. Mibpekiduma kandan is Nengazen he Megbevayè dan; egkilelaan dan sikandin he hadì dan.

장을 참조하십시오 복사




Numero 23:21
49 교차 참조  

Is Megbevayà ne eduma kenami; iyan sikandin pengulu zey. Ne emun edsurung key keniyu ne iyan ebpengulu kenami is menge memumuhat he ebpezaǥing te menge trumpita. Sikiyu is menge keet-etawan te Israel, kenè niw sukuli is Nengazen, he Megbevayà te menge kepuun niw, su kenè kew ebpekezaag.”


Ke sengemenu keziyù is edsilaan diyà te edsenlepan, iyan daan kebpekeziyua zin kenitew puun te menge salè tew.


Pemineǥa is ked-ugyab te menge etew te Megbevayà diyà te menge kampu zan tenged te kezeeǥan dan: “Heini he kezeeǥan mibeelan te Nengazen pinaaǥi te ǥehem din! Is gehem te Nengazen iyan mibpezaag kenitew!”


Deliǥa niw is Nengazen he ziyà te Zion. Diyà sikandin med-ubpà te inged he Jerusalem. Deliǥa is Nengazen!


Minsan pa ke edhipanew a ziyà te suǥud he zuen duen ebpekepatey, ne kenà a egkahandek su zuma ku man sikew. Ebpekeveǥey kedì te kelig-en wey kelipey is kegiyahi nu wey kebpengelangi nu kedì.


Utew zeyzey is etew he wazè en isipa te Nengazen he mekesesalà sikandin, wey wazà sikandin mebpenlimbung.


Ne intug-an ku ziyà te kenikew is menge salè ku; wazè ku in-eles. Ke siak te idtug-an ku is menge salè ku ziyà te kenikew. Ne zutun te kedtug-an ku, mibpesaylu a kenikew.


Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.


Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.


Edhadì is Nengazen! Umbe ereg he edlipey is kelibutan, ragkes en is menge isla.


Mekeǥeǥehem is Nengazen he ziyà te Zion; iyan sikandin ebayàbayà te tivuuk he kemenmenusiyaan.


Emun maandew zutun te kedhipanew zan egiyahan sikandan te Nengazen. Ebpetelihuna kandan sikandin pinaaǥi te mekepal he ǥapun he egkeiring te tukud diyà te egkehunaan dan; ne emun mezukilem, ne pinaaǥi maan te regreg he egkeiring te tukud diyà te egkehunaan dan. Ne iyan haazà ebpeketeyew kandan umbe ebpekehimu sikandan he edhipanew te maandew wey mezukilem.


Ne migkaǥi is Megbevayà te, “Eduma a kenikew. Ne is egkehimu he singyal he iyan a midsuǥù kenikew iyan is: Emun igkepeǥawas nu en sikandan puun te Ehipto, ne kayi a keniyu ed-ezapa te vuvungan.”


Ne ke sikandin te, “Nengazen, ke tutuu he nekepenunuat a kenikew, ne edhengyuan ku sikew he zumahi key kenikew. Utew mesinupaken haazà is menge etew piru peseyluwa nu is mezaat he menge ulaula zey wey menge salè dey, ne zewata key kenikew he menge etew nu.”


Migkaǥi pa is Nengazen te, “Hendini kew, su edhusayen tew heini. Minsan sengemenu keremerik is menge salè niw, edlumpiyuwan ku heeyan su wey kew mehimu he lumpiyu.


Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”


Kayi he lugar ibpeehè te Nengazen kenitew he mekeǥeǥehem sikandin. Is Jerusalem, egkeiring te sevaha he lugar he meluag is menge zezekelà wey zezeisey he menge wahig duen he edtudà, ne kenà ebpekehimu he edlayun duen is untuzà te menge kuntada.


Ebeelan heini te Nengazen su iyan sikandin perehukum tew, perevaal te kesuǥuan tew, wey edhadì kenitew. Ne iyan sikandin edlibri kenitew.


Tutuu, he is kemeresayan ku para te keupiyaanan ku. Tenged te kebmahala nu kedì, midlibri a kenikew te kezeetan wey mibpesaylu a kenikew te menge salè ku.


Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.


Ke hengkey is pelanu niw he ebpekesuǥat kenami, kenà heini ebmezeeǥen, su zuma zey is Megbevayà.


Dutun he timpu, egkehanew en is menge salà wey is menge kedsupak te nesamà he menge etew ziyà te Israel wey Juda, su ebpeseyluwen ku sikandan.’ ”


Umbe is tivuuk he keleyatan duen te verengbeng, ne 9,000 he mitrus, ne puun dutun he timpu haazà is inged egngezanan he “Keniyan is Nengazen!”


Ne egketuenan niw he ziyà a te keniyu te menge tig-Israel, ne iyan e zà Nengazen he Megbevayè niw ne wazè en duma pa. Ne sikiyu is menge etew ku ne kenè kew en egkepeel-elezan minsan keenu.”


veliǥeǥawen ka wey kenè ka melemu he egkepauk, wey mepineseyluwen ka te menge salà wey kedrapas te etew. Piru edsilutan nu is menge mekesesalà, taman te iketelu wey ikeepat he lapis te kevuwazan.


Tenged te zekelà he gaǥew nu, edhangyù a he peseyluwa nu is salà kayi te menge etew iring te kebpeseyluwa nu kandan puun pa te kegawas dan diyà te Ehipto.”


Midsevaha sikandan medhendiyà te ki Moises wey ki Aaron, he ke sikandan te, “Subre en heini is ebeelan niw kenami! Maan is ibpelavew niw is keugelingen niw kayi te mahabet he menge etew te Nengazen he mibpilì man pezem te Nengazen is tivuuk he menge Israilihanen he ebpenilbi kandin ne ebpekiduma zaan sikandin kayi?”


Emun kenà ed-awà haazà is gapun diyà te zivavew zuen te tulda seled te zezuwa he andew etawa senge vulan etawa senge tuig, kenà daan ed-awà is menge Israilihanen diyà te kampu zan, iyan, emun ebpezivavew haazà is gapun ne segugunè dan egenat.


Ne mibmenduan te Nengazen si Josue he anak ni Nun te: “Mebpekezesen ka wey mebpekevurut ka, su iyan ka ed-uwit te menge Israilihanen diyà te tanà he impenangdù ku kandan, ne eduma a kenikew.”


Piru sikiyu mibaal kew te salà diyà te kandin ne wazè kew zin en isipa he menge anak din tenged te kezaat niw. Menge kevuwazan he mekesesalà wey edsuwey te hustu!


Nehimu he hadì te Israel is Nengazen hein midtiǥum is menge pengulu zan wey menge tribu zan.”


Puun te kegkekilelaa ku keniyu ne pudu en kebpekidsukulà te Nengazen is menge vaal niw.


Midtavak si Gideon te, “Datù, emun duma zey is Nengazen ne maan is iring kayi is kebpekesavuk dey? Maan is wazà sikandin mebaal te egkengein-inuwan, iring te mibeelan din dengan hein impeǥawas din puun te Ehipto is menge kepuun dey, sumalà is netudtul zan kenami? Iyan, guntaan mibey-anan key en te Nengazen ne imbeǥey key zin diyà te menge Midianhen.”


Peseyluwa a kenikew te menge kegkurang ku. Siguradu he edhimuwen ka te Nengazen he hadì wey is menge kevuwazan nu, su mibpekidtebek ka tenged kandin. Deyzey ke kenè ka ebaal te mezaat te kemulu ke pa uuyag.


우리를 팔로우하세요:

광고


광고