Numero 23:14 - Manobo Western Bukidnon OT

¹⁴ Umbe, miduma ni Balak si Balaam diyà te sevaha he vevesukà diyà te Zofim, he ziyà te puntur te Pisga, ne zutun mibpevaal sikandan te pitu he pemuhatà ne nemuhat dan te pitu he tudu he vaka wey pitu he kerehidu, tigselimbaha ziyà te kada pemuhatà.

Numero 23:14 교차 참조

Isaias 46:6

Is duma he menge etew ibpeǥawas dan is bulawan wey pelata zan, ne edsuluhan dan is platiru su wey zin heini meveeli he ledawan su ed-ezapen dan, ne ed-ezapen dan heini.

Hoseas 12:11

Piru minsan pa zutun, is menge etew ziyà te Gilead, menge lalung sikandan wey wazà menge pulus, ne is menge etew ziyà te Gilgal nemuhat te menge tudu he vaka ziyà te zuma he menge ed-ezapen. Siguradu he ebengkaǥen is menge pemuhatè dan ne egkeiring heini te intambù he menge vatu he mibpenguwa ziyà te tanà he mid-eradu.

Numero 21:20

ne puun te Bamot midhendiyè dan te suǥud-suǥud te Moab, dutun he lugar emun diyè ki te puntur te Pisga edkepantew ta is sibsivayan.

Numero 23:13

Ne migkeǥiyan ni Balak te, “Ebpezumehè ki ziyà te sevaha pa he lugar he zutun egkeehè nu is senge vahin dà duen te menge etew te Israel, ne kenà langun sikandan. Ne zutun rewaki nu sikandan.”

Numero 23:15

Migkaǥi si Balaam diyà te ki Balak te, “Kayi ke zà te avey te pemuhat nu he edtutungen su ebpekidhinguma a mulà te Nengazen diyà te egkehunaan.”

Numero 23:29

Migkaǥi si Balaam diyà te ki Balak te, “Peveeli a kayi te pitu he pemuhatà, ne endami a te pitu he tudu he vaka wey pitu he meemahan he kerehidu para kedì.”

Deuteronomio 3:27

Tekezeg ka ziyà te puntur te Pisga ne pentawa nu is tanà diyà te minsan hendei zapit duen, su kenè ke en ebpekelayun te Jordan.

Deuteronomio 34:1

Puun te suǥud te Moab, midtekezeg ni Moises is Buntud he Nebo, pehendiyà te puntur te Pisga he ebpekesinaru ziyà te Jerico. Ne zutun impeehè kandin te Nengazen sikan is tivuuk he tanà–puun te Gilead pehendiyà te Dan,

Deuteronomio 4:49

ragkes en is tivuuk he Araba he zapit te edsilaan ne taman en te Daǥat he Minatey, he egkeumbawan te Buntud he Pisga.