Numero 23:13 - Manobo Western Bukidnon OT

¹³ Ne migkeǥiyan ni Balak te, “Ebpezumehè ki ziyà te sevaha pa he lugar he zutun egkeehè nu is senge vahin dà duen te menge etew te Israel, ne kenà langun sikandan. Ne zutun rewaki nu sikandan.”

Numero 23:13 교차 참조

1 Hadì 20:23

Ne ziyà mulà te menge Aramihanen, sikan is hadì diyà te Aram migkeǥiyan te menge upisyal zin te, “Is megbevayà te menge Israilihanen, megbevayà diyà te menge vuvungan, umbe nekezaag dan. Piru emun diyè tew sikandan edtebeka te menge suǥud, siguradu he egkezaag tew sikandan.

1 Hadì 20:28

Midhendiyà is suluǥuen te Megbevayà te hadì diyà te Israel ne migkaǥi te, “Iyan heini lalag te Nengazen: Egkeisip te menge Aramihanen he megbevayà a ziyà te menge vuvungan ne kenà diyà te menge suǥud. Umbe ebpengelinteuwan ku he mezaag nu is utew mahabet he menge sundaru zan su para metueni niw he iyan a Nengazen.”

Salmo 109:17

Igkelipey zin is kebpenrawak te zuma; berakat he ziyà mehitavu te kandin is rawak din. Kenè din ebpenubtuvazan is duma; berakat he wazà daan mebpenuvadtuvad kandin.

Micas 6:5

He menge etew ku, tentenuzi niw he midsuǥù ni Hadì Balak he hadì te Moab si Balaam he anak ni Beor te kedrawak keniyu piru penuvadtuvad keniyu is impekaǥi ku ki Balaam. Tentenuzi niw zaan ke mibmenumenu ku sikiyu te edtavang hein midhipanew kew puun te Shitim pehendiyà te Gilgal. Tentenuzi niw heini he menge hitavù su wey niw meisip-isip is kedlibriya ku keniyu.”

Numero 22:41

Ne sunud he andew, miduma ni Balak si Balaam diyà te Bamot Baal, ne nepantew zin diyà te alug is duma he menge Israilihanen.

Numero 22:6

Umbe hendini ka ǥuntaan ne rewaki nu heini he menge etew, su edhuna sikandan he gemhanan kenami. Su kela ke mezaag ku zed sikandan ne egkesegseg ku puun kayi te tanè ku. Su netuenan ku he egketuman is ibpenuvadtuvad nu wey is idrawak nu te minsan hentei.”

Numero 23:12

Midtavak si Balaam te, “Kinahanglan he egkeǥiyen ku is ibpekagi te Nengazen kediey.”

Numero 23:14

Umbe, miduma ni Balak si Balaam diyà te sevaha he vevesukà diyà te Zofim, he ziyà te puntur te Pisga, ne zutun mibpevaal sikandan te pitu he pemuhatà ne nemuhat dan te pitu he tudu he vaka wey pitu he kerehidu, tigselimbaha ziyà te kada pemuhatà.

Josue 24:9

Ne nekidtebek te Israel is hadì te Moab he si Balak he anak ni Zipor. Midsuǥù din si Balaam he anak ni Beor te kedrawak keniyu.