Numero 23:10 - Manobo Western Bukidnon OT

¹⁰ Hentei is ebpekevilang te kahabet dan he iring te eliyavuk. Berakat he mebpatey a keuzemà iring te menge metazeng.”

Numero 23:10 교차 참조

Genesis 13:16

Ne is menge kevuwazan nu, edhimuwen ku sikandan he iring te eliyavuk. Emun kenà egkevilang is eliyavuk, kenà egkevilang daan is menge kevuwazan nu.

Genesis 28:14

Is menge kevuwazan nu egkehimu he iring kezakel te eliyavuk te tanà. Pinaaǥi kenikew wey te menge kevuwazan nu, edtuvazan ku is langun he menge etew kayi te kelibutan.

Salmo 116:15

Egkesekitan is Nengazen emun duen ebpatey zuen te menge etew zin.

Salmo 37:37

Ne ahaa nu purungi is etew he wazà duen igkesawey he ebpengungubpaan te hustu wey melinew. Duen din mulà meupiya he egkepaabut.

Erubasa 14:32

Edezeetan te Megbevayà is menge mekesesalà tenged te mezat he ulaula zan, piru ebpengelangan din is metazeng minsan ke ebpatey, ne zuen din mulà egkeeputan.

Numero 2:16

Ne 151,450 langun is kahabet kayi he grupu he ebpenguluwan te tribu ni Reuben. Iyan sikandan edtinundug te grupu ni Juda emun edhipanew is menge Israilihanen.

Numero 2:24

Ne 108,100 langun is kahabet kayi he grupu he ebpenguluwan te tribu ni Efraim. Edtundug sikandan te tribu ni Levi emun edhipanew is menge Israilihanen.

Numero 2:31

Ne 157,600 langun is kahabet kayi he grupu he ebpenguluwan te tribu ni Dan. Iyan sikandan diyà te kinehuziyanan emun edhipanew is menge Israilihanen. Edhipanew zan diyà te zizalem te bendira zan he neketukid te kada tribu zan.”

Numero 2:9

Ne 186,400 langun is kehabet kayi he grupu he ebpenguluwan te tribu ni Juda. Iyan heini sikandan grupu he edhuna emun edhipanew is menge Israilihanen.

Numero 31:8

Ragkes dutun te mibpenhimetayan dan is lelima he hadì diyà te Midian he iyan ensi Evi, Rekem, Zur, Hur, wey Reba. Midhimetayan dan daan si Balaam he anak ni Beor pinaaǥi te ispada.