Numero 23:1 - Manobo Western Bukidnon OT

¹ Migkeǥiyan ni Balaam si Balak te, “Peveeli a kayi te pitu he pemuhatà, ne endami a te pitu he tudu he vaka wey pitu he meemahan he kerehidu he memeǥurang en.”

Numero 23:1 교차 참조

2 Hadì 18:22

Kela ke iyan egkeǥiyen niw kayi te kedì is iyan edseriǥan niw is Nengazen he Megbevayè niw. Kenè be imperundus nu man is menge simbahan he para kandin diyà te metikang he menge lugar, ragkes en is menge pemuhatà kayi, ne migkeǥiyan nu is menge meǥinged diyà te Jerusalem wey is diyà te zuma pa he menge inged diyà te Juda he kinahanglan he ziyè dan dà med-azap te sevaha zà he pemuhatà diyà te Jerusalem?’

1 Cronica 15:26

Ne tenged te midtevangan te Megbevayà is menge Levihanen te ked-uwita zan dutun te Kavan te Kebpekid-uyun te Nengazen, mibpemuhat dan te pitu he tudu he vaka wey pitu he kerehidu.

2 Cronica 29:21

Midtundan dan te pitu he tudu he vaka, pitu he meemahan he menge kerehidu he memeǥurang en, pitu he meemahan he menge kerehidu he menge nati pa, wey pitu he meemahan he kambing he pemuhat he para idlumpiyu te ginhedian dan, wey te Baley te Nengazen wey te menge etew ziyà te Juda. Midsuǥù ni Hadì Hezekia is menge memumuhat he menge kevuwazan ni Aaron te kebpemuhat keniyan he menge pemuhat diyà te pemuhatà he para te Nengazen.

Job 42:8

Umbe, ǥuntaan kuwa kew te pitu he tudu he vaka wey pitu he meemahan he kerehidu ne hendiyè kew te ki Job, ne ipemuhat niw heini he pemuhat he edtutungen para te keugelingen niw. Id-ampù kew ni Job ne edtevaken ku is ampù din ne kenè ku sikiyu edsilutan te silut he ereg te kedtinurebung niw. Kenè kew iring te suluǥuen ku he si Job su wazè kew mulà megkaǥi te tutuu mehitenged kedì.”

Exodus 20:24

“Baal kew te tanà he pemuhatà he iyan ebpemuhatan niw kediey, ne zutun niw ipemuhat is menge kerehidu niw, menge kambing, wey menge vaka he pemuhat he edtutungen wey pemuhat he para te meupiya he kedepità. Ne veeli niw heini ziyà te lugar he mibpilì ku he zutun a ed-ezapa, ne edhendutun a is ebpenuvadtuvad keniyu.

Erubasa 15:8

Egkeepesan te Nengazen is pemuhat te menge lalung, piru igkesuat din mulà is menge kebpengemuyù te menge metazeng.

Ezekiel 33:31

Umbe, ed-uvey is menge etew ku ziyà te kenikew iring duen te layun dan ebeeli, ebpinuu zan diyà te etuvangan nu he henduen be te tutuu he ebpemineg dan kenikew, piru iyan benar is wazè dan tumana is mibpengaǥi nu. Netuleng dan dà te kegkaǥi he mahal e zan, piru iyan diyà te ǥehinawa zan is dekelà he kadar te selapì.

Ezekiel 45:23

Kada andew seled te pitu he andew zutun te kedsilibra niw, ne mebpemuhat kayi te kedì is pengulu te pitu he turiti he vaka wey pitu he meemahan he kerehidu he wazè din sazir he pemuhat he edtutungen. Mebpemuhat daan sikandin te sevaha he meemahan he kambing he pemuhat he para idlumpiyu.

Numero 22:41

Ne sunud he andew, miduma ni Balak si Balaam diyà te Bamot Baal, ne nepantew zin diyà te alug is duma he menge Israilihanen.

Numero 23:2

Ne midtuman ni Balak is migkaǥi ni Balaam, ne nemuhat dan is dezuwa te tudu he vaka wey meemahan he kerehidu ziyà te kada pemuhatà.

Numero 23:29

Migkaǥi si Balaam diyà te ki Balak te, “Peveeli a kayi te pitu he pemuhatà, ne endami a te pitu he tudu he vaka wey pitu he meemahan he kerehidu para kedì.”

Numero 23:30

Ne mibeelan ni Balak is migkaǥi ni Balaam, ne nemuhat sikandin te tigselimbaha he vaka wey kerehidu ziyà te kada pemuhatà.

Numero 29:32

Dutun te ikepitu he andew te kedsilibra niw iyan heini ipemuhat niw: pitu he turiti he vaka, dezuwa he meǥurang en he meemahan he menge kerehidu wey 14 he nati he meemahan he menge kerehidu he tig senge-tuig is keǥurang din. Is langun kayi kinahanglan he wazè dan sazir.

1 Samuel 15:22

Midtavak si Samuel te, “Igkelipey ves te Nengazen is kebpemuhat niw kenà is kebpezumazuma kandin? Meupiya is kebpezumazuma te Nengazen kenà is kebpemuhat. Meupiya pa is kebpemineg kandin kenà is kebpemuhat te menge melambeg ke kerehidu.