Midtezù si Jeroboam te keugelingen din he menge memumuhat diyà te menge simbahan diyà te metikang he menge lugar, he zutun dan ed-ezapa is menge ed-ezapen dan he mibpeveelan ni Jeroboam he kambing wey vaka.
Mibpetukud pa sikandan te menge simbahan he para ki Baal, ne zutun dan ibpemuhat is menge anak dan he pemuhat he edtutungen para kandin. Wazè ku heini isuǥù kandan; wazè ku ganì meisip heini.
Ebpenhimetayan ku is menge tig-Moab he ebpememuhat diyà te menge simbahan diyà te Moab he ziyà te metikang he menge lugar wey edtutung te veyewà he para te zuma he menge ed-ezapen. Iyan a, is Nengazen, is migkaǥi kayi.
Migkeǥiyan ni Balaam si Balak te, “Peveeli a kayi te pitu he pemuhatà, ne endami a te pitu he tudu he vaka wey pitu he meemahan he kerehidu he memeǥurang en.”
Ne migkeǥiyan ni Balak te, “Ebpezumehè ki ziyà te sevaha pa he lugar he zutun egkeehè nu is senge vahin dà duen te menge etew te Israel, ne kenà langun sikandan. Ne zutun rewaki nu sikandan.”
Emun edsegseǥen niw en is menge etew he ebpen-ubpà dutun, purungi niw pemengkaǥa is langun he menge lugar he zutun dan ed-ezapa is ebpen-ezapen dan he tarù he menge megbevayà he ziyà te metikang wey mevavà he menge vuntud wey sihung te merapung he menge kayu.
