Numero 22:32 - Manobo Western Bukidnon OT

³² Mid-insà kandin haazà is belinsuǥuen te Nengazen, “Maan is ketetelu nu en penlegkuta is asnu nu? Midhengkayi a te ked-alang kenikew su mezaat diyà te etuvangan ku is baal nu.

Numero 22:32 교차 참조

Salmo 145:9

Nengazen, edtulengezan nu is langun; duen nu hizu te langun he linimbag nu.

Salmo 147:9

Iyan sikandin mibeǥey te egkeenen te menge langgam dini te lumpad. Iring din daan te menge pispis te uwak ke egkinahanglan te egkeenen dan.

Salmo 36:6

Is ketazeng nu, ne melig-en; igkepetug-iring te metikang he menge vuntud. Is hustu he kedhukum nu, ne kenà egketegkad; igkepetug-iring te mezalem he zaǥat su kenà egketegkad. Ed-eturen nu, Nengazen, is menge etew wey menge langgam.

Erubasa 14:2

Is kedtinazeng, ne paaǥi te kedtehuza te Nengazen, piru is kenà kebpengungubpaan te hustu, ne paaǥi te kedsudia kandin.

Erubasa 16:2

Is langun he ed-ul-ulahan te etew, midtuuwan din he hustu, piru edsusiyen te Nengazen is tuyù te uman sevaha.

Erubasa 28:18

Is etew he wazè duen igkesawey ne kenà egkekeizan, piru is etew he kenà hustu is ulaula zin ne meǥaan egkahanew.

Erubasa 28:6

Deyzey pa is pubri he wazà duen igkesawey kenà is sepian he kenà hustu is menge ulaula zin.

Jonas 4:11

Ne iyan e pa kenà mehizu te Nineve, keniyan te inged he zuen duen subra he 120,000 he menge etew he wazè dan hanew zuen te kesuǥuan ku, ne zuen pa mahabet he menge uyaǥen?”

Micas 6:5

He menge etew ku, tentenuzi niw he midsuǥù ni Hadì Balak he hadì te Moab si Balaam he anak ni Beor te kedrawak keniyu piru penuvadtuvad keniyu is impekaǥi ku ki Balaam. Tentenuzi niw zaan ke mibmenumenu ku sikiyu te edtavang hein midhipanew kew puun te Shitim pehendiyà te Gilgal. Tentenuzi niw heini he menge hitavù su wey niw meisip-isip is kedlibriya ku keniyu.”

Numero 22:20

Dutun he kezukileman migkaǥi is Megbevayà diyà te ki Balaam te, “Geina te midhengkayi en man heini is menge etew su edumahan ke zan, duma ke en nasì kandan, piru iyan nu zà beeli is egkeǥiyen ku.”

Numero 22:22

duma is dezuwa he suluǥuen din. Piru zutun te edhipanew en si Balaam, utew nepauk is Megbevayà, umbe midhitindeg is belinsuǥuen te Nengazen diyà te zalan su ed-alang kandan.

Numero 22:28

Ne zutun impekaǥi te Nengazen haazà is asnu, migkaǥi heini te, “Hengkey ves is neveelan ku ziyà te kenikew maan is ketetelu ad kenikew penlegkuta?”

Numero 22:33

Naahà a te asnu nu ne midlikayan e zin te ketetelu. Emun wazà heini medlikey kediey, midhimetayan ku en pezem sikew ne kenè ku mulà edhimetayan is asnu nu.”

Numero 22:35

Migkaǥi haazà is belinsuǥuen te Nengazen te, “Duma ka keniyan te menge etew, piru iyan nu zà keǥiya is egkeǥiyen ku ziyà te kenikew.” Umbe miduma si Balaam dutun te menge pengulu ni Balak.

Deuteronomio 23:4

Su wazà kew zan beǥayi te keenen etawa wahig hein midhipanew kew puun te Ehipto, ne midsuhulan dan pa si Balaam is anak ni Beor he tig-Petor ziyà te Aram Naharaim te kedrawak keniyu.

Deuteronomio 25:4

“Kenè niw busali is baka he ibpeǥunas niw.