Numero 22:1 - Manobo Western Bukidnon OT

¹ Midlaus medhipanew is menge Israilihanen taman te nekeuma zan diyà te suǥud te Moab. Ne migkampu zan diyà te zapit te edsilaan te Jordan, he etuvangan te Jerico.

Numero 22:1 교차 참조

Jeremias 40:11

Nezineg daan te menge Judio he nemelaǥuy ziyà te Moab, Ammon, Edom, wey zuma pa he menge nasyun he intuǥut ni Hadì Nebucadnezar he zuen egketaǥak he menge etew ziyà te Juda ne iyan midhimu si Gedalia he anak ni Ahikam wey apù ni Shafan he pengulu kayi he menge etew.

Numero 21:20

ne puun te Bamot midhendiyè dan te suǥud-suǥud te Moab, dutun he lugar emun diyè ki te puntur te Pisga edkepantew ta is sibsivayan.

Numero 26:3

Umbe, mibpekidlalag si Moises wey si Eleazar he memumuhat te menge Israilihanen diyà te suǥud te Moab he kilid te Wahig he Jordan he uvey te Jerico.

Numero 31:12

diyà te ki Moises, ki Eleazar he memumuhat, wey ziyà te langun he menge Israilihanen he ziyà te kampu zan he ziyà te suǥud te Moab he kilid te Jordan he uvey te Jerico.

Numero 32:19

Piru kenè key en egkesuat he ed-angken te tanà he egkepengevilin dey zuma kandan diyà layun te Jordan, su iyan en heini kenami he egkepengevilin is diyà te zapit te edsilaan te Jordan.”

Numero 35:1

Hein migkampu is menge Israilihanen diyà te kilid te Jordan he suǥud te Moab he atbang te Jerico, migkeǥiyan te Nengazen si Moises te,

Numero 36:13

Iyan haazà menge suǥù wey menge sulunuzen he imbeǥey te Nengazen diyà te menge Israilihanen pinaaǥi ki Moises hein diyà sikandan te menge suǥud te Moab he ziyà te Jordan he uvey te Jerico.

Deuteronomio 1:5

Inseysey ni Moises diyà te menge Israilihanen is kesuǥuan te Nengazen hein diyà sikandan te zapit te edsilaan te Wahig he Jordan, he ziyà te tanà he Moab. Ke sikandin te,

Deuteronomio 3:8

“Naaǥew tew zuen te zezuwa he hadì he menge Amorihanen is tanà diyà te Jordan he zapit te edsilaan puun te zal-ug he Arnon pehendiyà te Buntud he Hermon.

Deuteronomio 34:1

Puun te suǥud te Moab, midtekezeg ni Moises is Buntud he Nebo, pehendiyà te puntur te Pisga he ebpekesinaru ziyà te Jerico. Ne zutun impeehè kandin te Nengazen sikan is tivuuk he tanà–puun te Gilead pehendiyà te Dan,

Deuteronomio 34:8

Midlalew is menge Israilihanen tenged ki Moises diyà te menge suǥud te Moab seled te 30 he andew.

Josue 3:16

ne mid-engked he edtudà haazà is wahig. Mibpundu is wahig diyà te sevaha he lugar he egngezanan te Adam, inged heini he uvey te Zaretan. Wazè en wahig he edtudà pehendiyà te Zaǥat te Araba, umbe nekelayun haazà is menge etew ziyà te lugar he uvey te Jerico.