Numero 21:4 - Manobo Western Bukidnon OT

⁴ Puun te Buntud he Hor, midhipanew is menge Israilihanen he ziyà med-ikul te zalan he ibpenhendiyà te Zaǥat he Meriǥà, he ebpekeelingkus te tanà he Edom. Piru mibperuvas is menge etew zutun te hipanew zan,

Numero 21:4 교차 참조

2 Hadì 3:8

Ne mid-insà si Jehoshafat te, “Hendei kiw ebayà emun edsurung kiw?” Midtavak si Joram te, “Diyè kiw ebayà te sibsivayan diyà te Edom.”

Exodus 6:9

Ne midtultul haazà ni Moises diyà te menge Israilihanen, iyan, wazè dan sikandin pemineǥa tenged te kegkesuǥey zan wey te gerabi he pesipala kandan dutun te ked-uripena kandan.

Numero 14:25

Ne ǥuntaan, kenè kew en laus su zuen menge Canaanhen wey menge Amalikanhen he ebpen-ubpà diyà te menge suǥud, kekenà, likù kew en nasì keeselem diyà te sibisivayan he ziyà te zalan pehendiyà te Zaǥat he Meriǥà.”

Numero 20:27

Midtuman ni Moises is insuǥù kandin te Nengazen. Midtekezeg dan diyà te Buntud he Hor zutun te edtengteng is kezekelan.

Numero 32:7

Maan is id-awè niw is kezasig te menge Israilihanen te kedhendiyà te tanà he imbeǥey kandan te Nengazen?

Numero 32:9

Hein nekeuma zan en diyà te zal-ug he Eshcol wey nesusi zan en is tanà, mid-awè dan is kezasig te menge etew te kedhendiyà te tanà he imbeǥey kandan te Nengazen.

Numero 33:41

Is menge Israilihanen mid-awè dan diyà te Buntud he Hor ne midlaus dan medhipanew. Iyan heini menge lugar he migkempuwan dan: Zalmona, Punon, Obot, Iye Abarim, he ziyà te dulunà te Moab, Dibon Gad, Almon Diblataim, he ziyà te menge vuntud te Abarim he uvey te Nebo, taman te nekeuma sikandan diyà te menge suǥud te Moab he veyvey te Jordan he uvey te Jerico.

Deuteronomio 1:40

Ne sikiyu, likù kew ziyà te sibsivayan pehendiyà te Zaǥat he Meriǥà.’

Deuteronomio 2:1

“Ne zutun midlikù kiw ziyà te sibsivayan pehendiyà te Zaǥat he Meriǥà, su iyan haazà insuǥù te Nengazen kedì. Ne neuǥet he timpu is kebpekeriǥuriǥu tew ziyà te menge vuvungan he Seir.

Zatù 11:18

“Dutun te huziyan he timpu, midlaus sikandan medhipanew ziyà te sibsivayan. Midliǥuy sikandan diyà te Edom wey Moab taman te nekeuma sikandan diyà te zapit te edsilaan he vahin te Moab he veyvey te Wahig he Arnon. Dutun sikandan megkampu, iyan, wazà sikandan medlayun te Arnon su dulunà haazà te Moab.