Numero 21:29 - Manobo Western Bukidnon OT

²⁹ Mekehizuhizu kew is menge tig-Moab! Nezeetan kew is ed-azap te ed-ezapen he si Kemosh. Sikiyu is menge anak din, mibey-anan din en he mevihag ni Sihon te hadì te menge Amorihanen.

Numero 21:29 교차 참조

1 Hadì 11:33

Ne iyan ibeeli ku kayi su ǥeina te mid-iniyuǥan e zin ne iyan din mid-azap si Ashtoret, kes bahi he ed-ezapen te menge Sidunhanen, si Kemosh kes ed-ezapen te menge Moabitanhen, wey si Molec, kes ed-ezapen te menge Amunihanen. Wazà sikandin medsunud te menge paaǥi ku wey wazà mebpengungubpaan te hustu ziyà te etuvangan ku. Wazà sikandin medtuman te menge sulunuzen wey menge suǥù ku; kenà sikandin iring te amey zin he si David.

1 Hadì 11:7

Mibpevaal si Solomon te simbahan diyà te metikang he lugar he zapit te edsilaan te Jerusalem, he para ki Kemosh, te utew mezaat he ed-ezapen te menge Moabitanhen. Mibpevaal zaan sikandin te simbahan he para ki Molec, kes utew mezaat he ed-ezapen te menge Amunihanen.

2 Hadì 23:13

Midremerikan din daan is menge simbahan diyà te metikang he menge lugar he ziyà dapit te edsilaan te Jerusalem wey is diyà te egkezivavà te Buvungan te Kegkezeeti. Heini he menge simbahan mibangun ni Hadì Solomon he hadì te Israel he para ki Ashtoret, te utew mezaat he vahi he ed-ezapen te menge Sidunhanen, wey para ki Kemosh, te utew mezaat he ed-ezapen te menge Moabitanhen, wey para zaan ki Molec, te utew mezaat he ed-ezapen te menge Amunihanen.

Isaias 15:5

Ingkeseeng ku is menge tig-Moab. Mibpelaǥuy is menge etew zutun pehendiyà te Zoar wey Eglat Shelishiya. Midsineǥew sikandan is edtekezeg diyà te Luhit. Is duma kandan nemen-eerang dutun te kedhendiyè dan te Horonaim, tenged te nehitavù kandan.

Isaias 16:2

Is menge vahi he menge tig-Moab he ziyà te repasan te Arnon neiring sikandan te menge tagbis he mibuǥew puun te menge salag dan.

Jeremias 48:13

Ne zutun igkeeled te menge tig-Moab is ed-ezapen dan he si Kemosh iring te ingkeeled te menge Israilihanen is kenà tutuu he megbevayà he mid-azap dan diyà te Betel.

Jeremias 48:45

Is mekehizuhizu he ebpemekepelaǥuy egkesuat dan he ed-eles diyà te Heshbon. Piru heini is Heshbon he midhedian dengan ni Hadì Sihon egkiràkirà is hapuy zuen. Egkevinsulan is menge vuvungan he mid-elesan te menge tig-Moab he zengan, utew susuaten te kebpekidtebek.

Jeremias 48:46

“Mekehizuhizu kew is menge tig-Moab! Nengezeetan kew is ed-azap te ed-ezapen he si Kemosh, ne mibihag is menge anak niw.

Jeremias 48:7

Sikiyu is menge tig-Moab, midsarig kew te ebilidad niw wey ketiǥeyunan niw. Umbe ebihaǥen kew, ragkes en is ledawan he ed-ezapen niw he si Kemosh wey is menge memumuhat para kayi wey is menge upisyal.

Numero 24:17

“Duen neehè ku ziyà te nelewasan ku he wazè pa mehitavù. Diyà te ebpekeuma he timpu, duen egkehimu he hadì te Israel he ebpuun diyà te kevuwazan ni Jacob. Ne edezeetan din is menge Moabitanhen wey is langun he kevuwazan ni Shet.

Zatù 11:24

Iyan niw engkena is tanà he ibeǥey keniyu te ed-ezapen niw he si Kemosh. Su sikami, ed-engkenen dey is langun he ibeǥey kenami te Nengazen he Megbevayè dey.