Numero 21:27 - Manobo Western Bukidnon OT

^27-28 Umbe, iyan heini erubasa te memetau he egkaǥi, ke sikandan te, “Agpas kew hendiyà te Heshbon, he inged ni Sihon, ne umana niw heini benguna. Dengan is menge sundaru ziyà te Heshbon, nenurung he henduen be te edriyubriyub he hapuy he nekevinsul te inged he Ar he sakup te Moab wey te metikang he menge lugar ziyà te Arnon.

Numero 21:27 교차 참조

Nehemias 7:1

Hein nepasad en is berengbeng te inged, wey ingkepenaud en is menge lekeb te menge pultahan kayi, mibpilì is edhimuwen he menge vantey te menge ǥemawan te valey te Nengazen, menge perekanta kayi, wey menge Levihanen.

Isaias 14:4

ne un-undaha niw is hadì te Babilonia. Ne iyan heini keǥiya niw: “Nezeetan en is hadì he ebpendaagdaag. Netapus en is kebpegalbu zin.

Habakuk 2:6

Piru edsudien sikandan keniyan te menge etew ziyà te menge nasyun pinaaǥi te mesakit he menge lalag he edhenduen te, “ ‘Kehizu niw te ebpenguwa te menge azen he kenà keniyu, wey edtiǥum te ketiǥeyunan pinaaǥi te kebpenapì. Taman pa te keenu is ked-ul-ulaha niw keniyan?

Numero 21:14

Iyan heeyan hinungdan ke maan is ingkesurat diyà te Libru te Guǥud te Kebpekidtebek te Nengazen is inged diyà te Waheb he sakup te Sufa, is menge zal-ug ragkes en is Arnon,

Numero 21:26

Dengan, heini is Heshbon iyan lavew he inged ni Sihon te hadì te menge Amorihanen. Nezaag din dengan is sevaha he hadì te Moab ne mid-aǥew zin is langun he tanà duen te hadì taman te Arnon.