Numero 21:13 - Manobo Western Bukidnon OT

¹³ Ne puun te Zered midlaus sikandan medhipanew ne migkampu zan diyà te uvey te veyvey te zal-ug he Arnon, he ziyà te sibsivayan he uvey te tanà te menge Amorihanen. Is Arnon iyan dulunà te tanà te menge Moabitanhen wey menge Amorihanen.

Numero 21:13 교차 참조

Isaias 16:2

Is menge vahi he menge tig-Moab he ziyà te repasan te Arnon neiring sikandan te menge tagbis he mibuǥew puun te menge salag dan.

Jeremias 48:20

Ne edtavak dan te, ‘Nezeetan en is Moab, ne nepeel-elezan en is menge etew zuen. Umbe keseeng kew wey sineǥew kew. Kulehia niw is menge tig-Arnon he nezeetan en is Moab.’

Numero 21:14

Iyan heeyan hinungdan ke maan is ingkesurat diyà te Libru te Guǥud te Kebpekidtebek te Nengazen is inged diyà te Waheb he sakup te Sufa, is menge zal-ug ragkes en is Arnon,

Numero 22:36

Ne hein netuenan ni Balak he ebpelinggume en si Balaam, midsinuǥung sikandin diyà te sevaha he inged diyà te Moab he uvey te Arnon he dulunà te tanè din.

Deuteronomio 2:13

“Ne midsuǥù kiw te Nengazen te kedlayun te zal-ug he Zered, umbe midlayun tew haazà.

Deuteronomio 2:18

‘Layun kew ziyà te dulunà te Moab wey Ar.

Deuteronomio 2:24

“Ne migkaǥi is Nengazen te, ‘Layun kew te zal-ug he Arnon. Ibeǥey ku keniyu si Sihon is Amorihanen he hadì diyà te Heshbon, wey is tanè din. Surunga niw sikandin ne engkena niw is tanè din.

Zatù 11:18

“Dutun te huziyan he timpu, midlaus sikandan medhipanew ziyà te sibsivayan. Midliǥuy sikandan diyà te Edom wey Moab taman te nekeuma sikandan diyà te zapit te edsilaan he vahin te Moab he veyvey te Wahig he Arnon. Dutun sikandan megkampu, iyan, wazà sikandan medlayun te Arnon su dulunà haazà te Moab.