Numero 20:21 - Manobo Western Bukidnon OT

²¹ Ne geina te kenà ebpeveyaan te menge tig-Edom is tanè dan, ne midsuwey en nasì is menge Israilihanen.

Numero 20:21 교차 참조

2 Cronica 20:10

“Ne ǥuntaan edsurungen key te menge etew he ebpuun te Ammon, Moab, wey Buntud he Seir. Dengan ne wazè nu ituǥut haazà is ubpeey zan he edsekupen te menge Israilihanen hein nekeǥawas dan diyà te Ehipto. Midlevayan dà heini te menge Israilihanen ne wazè dan sikandan penhimetayi.

Numero 21:23

Piru wazà mebpezumazuma si Sihon he ebayà is menge Israilihanen diyà te tanè din. Midtiǥum din hinuun is langun he menge sundaru zin ne midhendiyè dan te sibsivayan su edsurungen dan is menge Israilihanen. Hein nekeuma zan diyà te Jahaz, midtebek dan is menge Israilihanen.

Numero 21:4

Puun te Buntud he Hor, midhipanew is menge Israilihanen he ziyà med-ikul te zalan he ibpenhendiyà te Zaǥat he Meriǥà, he ebpekeelingkus te tanà he Edom. Piru mibperuvas is menge etew zutun te hipanew zan,

Deuteronomio 2:27

Iyan lalag he impeuwit ku ziyà te kandin is: ‘Emun egkehimu ne ipevayè key ziyà te tanè niw. Kenè key en ebpenuweysuwey ziyà te menge zalan niw, kekenà, iyan dà ed-ikulen dey is dekelà he zalan.

Deuteronomio 2:29

Iring te kedtuǥuti kenami te menge kevuwazan ni Esau he menge meǥinged diyà te Seir wey te menge Moabitanhen he menge meǥinged diyà te Ar. Tuǥuti key te kebayà taman te ebpekelayun key te Wahig he Jordan pehendiyà te tanà he ibeǥey kenami te Nengazen he Megbevayè dey.’

Deuteronomio 23:7

“Kenè niw keepesi is menge Edomanhen, su kezuzumahi niw sikandan. Kenè niw zaan keepesi is menge Ehiptohanen, su nekeubpè kew ziyà te tanè dan hein lumelengyawè kew.

Zatù 11:17

Ne zuen midsuǥù dan he impehendiyà te hadì te Edom su edhangyù dan he ipevayà sikandan diyà te Edom, iyan, wazà sikandan tuǥuti. Ne iring din ded daan dutun is mid-ulaula te hadì diyà te Moab diyà te kandan. Umbe malù neuǥet is ked-ubpèubpè dan diyà te Kadesh.

Zatù 11:18

“Dutun te huziyan he timpu, midlaus sikandan medhipanew ziyà te sibsivayan. Midliǥuy sikandan diyà te Edom wey Moab taman te nekeuma sikandan diyà te zapit te edsilaan he vahin te Moab he veyvey te Wahig he Arnon. Dutun sikandan megkampu, iyan, wazà sikandan medlayun te Arnon su dulunà haazà te Moab.

Zatù 11:24

Iyan niw engkena is tanà he ibeǥey keniyu te ed-ezapen niw he si Kemosh. Su sikami, ed-engkenen dey is langun he ibeǥey kenami te Nengazen he Megbevayè dey.