Numero 20:20 - Manobo Western Bukidnon OT

²⁰ Mid-uman medtavak is hadì te Edom: “Kenè kew iyan bayà kayi.” Ne midtiǥum duen te hadì te Edom is gemhanan wey melig-en he menge sundaru su ebpekidtebek dan te menge Israilihanen.

Numero 20:20 교차 참조

Genesis 27:41

Ne midumutan ni Esau si Jacob tenged te kebpenubtuvazi ki Jacob te amey zin. Nekekaǥi si Esau ziyà te ǥehinawa zin te, “Kenè en utew egkeuǥet ne ebpatey si amà; emun ebpatey en sikandin, edhimetayan ku si Jacob.”

Genesis 32:6

Ne hein nekelikù is menge midsuǥù ni Jacob, ke sikandan te, “Midhendiyè key te ki Esau, ne migenat en su edsinuǥungen ke zin. Duen din duma he 400 he menge maama.”

Salmo 120:7

Egkesuat a te kelinew piru emun edhisgut a mehitenged kayi, ne tebek mulà is keniyu he egkesuatan.

Amos 1:11

Iyan heini migkaǥi te Nengazen mehitenged te Edom: “Tenged te kedtulung kebaal te salà te menge tig-Edom, edsilutan ku sikandan. Su mibpendal-as dan is menge kezuzumahi zan he menge Israilihanen ne wazè dan en mehizuwi te ebpenhimatey. Is menge Israilihanen, kenè egkaawà is pauk kandan te menge tig Edom.

Numero 20:18

Piru iyan heini tavak te hadì te Edom: “Kenà egkehimu ke ebayè kew kayi te kenami. Emun ebayè kew, edsurungen dey sikiyu ne ebpenhimetayan.”

Numero 20:21

Ne geina te kenà ebpeveyaan te menge tig-Edom is tanè dan, ne midsuwey en nasì is menge Israilihanen.

Zatù 11:17

Ne zuen midsuǥù dan he impehendiyà te hadì te Edom su edhangyù dan he ipevayà sikandan diyà te Edom, iyan, wazà sikandan tuǥuti. Ne iring din ded daan dutun is mid-ulaula te hadì diyà te Moab diyà te kandan. Umbe malù neuǥet is ked-ubpèubpè dan diyà te Kadesh.

Zatù 11:20

Iyan, wazà medsarig kandan si Sihon. Kekenà, midtiǥum din diyà te Jahaz is menge sundaru zin ne midsurung dan is menge Israilihanen.