Numero 19:8 - Manobo Western Bukidnon OT

⁸ Is etew he mibinsul zuen te vaka, kinahanglan he ebpìpian din daan is bisti zin wey ebpemeziǥù ne ed-isipen daan sikandin he meremerik taman te mezukilem.

Numero 19:8 교차 참조

Leviticus 16:28

Is etew he edtutung kayi kinahanglan he ebpìpian din dèpa is bisti zin wey mebpemeziǥù te kenè pa sikandin edlikù diyà te kampu.

Leviticus 17:15

Is minsan hentei keniyu te menge Israilihanen wey kenà menge Israilihanen he mid-ubpà duma keniyu he egkaan te langgam he minatey zà etawa midhimetayan te zuma he langgam, kinahanglan he pìpii zin is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep.

Numero 19:21

Heini he sulunuzen kinahanglan he edtumanen taman te taman. “Is etew he ebpirik te wahig he gelemiten te kedlumpiyu kinahanglan daan he ebpemìpì te visti zin, wey is minsan hentei he nekesamsam duen te wahig he gelemiten te kebpenlumpiyu ed-isipen he meremerik taman te egkesakep.

Numero 19:7

Ne kegkepasad dutun kinahanglan he ebpìpian ni Eleazar he memumuhat is bisti zin, ne mebpemeziǥù sikandin. Ne kegkepasad egkehimu en sikandin he edseled diyà te kampu, piru ed-isipen pa ǥihapun sikandin he meremerik taman te egkesakep.

Numero 19:9

“Is etew he ed-isipen he lumpiyu iyan megkuwa te igmuk duen te vaka, ne isavuk din haazà diyà te lugar he ed-isipen he lumpiyu, he ziyà te gawas te kampu. Ne edtipiǥan heini zutun su egemiten te menge Israilihanen he idsahug te wahig he egemiten te kebpenlumpiyu. Ebeelan heini he tulumanen su para maawà is salà.