Numero 19:21 - Manobo Western Bukidnon OT

²¹ Heini he sulunuzen kinahanglan he edtumanen taman te taman. “Is etew he ebpirik te wahig he gelemiten te kedlumpiyu kinahanglan daan he ebpemìpì te visti zin, wey is minsan hentei he nekesamsam duen te wahig he gelemiten te kebpenlumpiyu ed-isipen he meremerik taman te egkesakep.

Numero 19:21 교차 참조

Exodus 27:21

Is selevukà te sulù, kinahanglan he idsavuk diyà te ǥawas te kurtina he ebpeketambun duen te Kavan te Kebpekid-uyun. Si Aaron wey is menge kevuwazan din iyan ed-etiman duen te menge sulù duen te Tulda he Edtelevukaayan. Ibpesiǥa zan heini ziyà te etuvangan ku meselem wey mezukilem. Heini he menge sulunuzen ereg he edtumanen te menge Israilihanen taman te huziyan he menge lapis te menge kevuwazan dan.

Leviticus 11:40

Is minsan hentei he egkuwa etawa egkaan te lawa kayi, kinahanglan he ebpìpian din is bisti zin, piru ed-isipen pa sikandin he meremerik taman te egkesakep.

Numero 18:23

Is menge Levihanen, kandan he ketengdanan is menge vuluhaten diyà te Tulda he Edtelevukaayan, ne televaken dan is egkehimu zan he salà kayi te vuluhaten dan. Heini he sulunuzen kinahanglan he tumana niw taman te huziyan he lapis te menge kevuwazan. Is menge Levihanen ne wazà egkepengevilin dan he tanà te Israel.

Numero 19:10

Is etew he egkuwa te igmuk duen te vaka, kinahanglan daan he ebpìpian din is bisti zin, ne ed-isipen daan sikandin he meremerik taman te egkesakep. Heini he sulunuzen kinahanglan he edtumanen niw te menge Israilihanen wey te kenà menge Israilihanen he zuma niw he meǥinged taman te taman.”

Numero 19:7

Ne kegkepasad dutun kinahanglan he ebpìpian ni Eleazar he memumuhat is bisti zin, ne mebpemeziǥù sikandin. Ne kegkepasad egkehimu en sikandin he edseled diyà te kampu, piru ed-isipen pa ǥihapun sikandin he meremerik taman te egkesakep.

Numero 19:8

Is etew he mibinsul zuen te vaka, kinahanglan he ebpìpian din daan is bisti zin wey ebpemeziǥù ne ed-isipen daan sikandin he meremerik taman te mezukilem.