Numero 19:19 - Manobo Western Bukidnon OT

¹⁹ Dutun te iketelu wey ikepitu he andew, ebpirikan te etew he ed-isipen he lumpiyu is etew he mid-isip he meremerik. Ne emun ikepitu he andew, haazà is etew he midlumpiyuwan kinahanglan he ebpemìpì te visti zin wey ebpemeziǥù, ne zutun te kegkesakep ed-isipen en sikandin he lumpiyu.

Numero 19:19 교차 참조

Genesis 2:2

Ne zutun te ikepitu he andew, geina te nepasad en te Megbevayà haazà is langun he menge vaal zin, midhimeley sikandin he ebaal.

Exodus 19:10

migkaǥi pa is Nengazen diyà te kandin te, “Hendiyè ka te kandan ne keǥiyi nu sikandan he mebpekelumpiyu sikandan guntaan wey keeselem. Kinahanglan he pemìpii zan is menge visti zan.

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Leviticus 14:7

Ne haazà is wahig he zuen duen lengesa ne ibpirik din te kepipitu ziyà te etew he neulian te zaru zin te lundis, ne kegkepasad ibpeseyuzan din he lumpiyu en haazà is etew. Ne ibpaawà dutun te memumuhat sikan is uuyag he tagbis.

Leviticus 14:9

Ne zutun te ikepitu he andew umani zin kiskisi is langun he vulvul zin wey berehibu, pìpii zin is bisti zin, wey mebpemeziǥù sikandin.

Numero 19:12

Kinahanglan he edlumpiyuwan din is keugelingen din duen te wahig he egemiten te kebpenlumpiyu te iketelu wey ikepitu he andew, ne zutun ed-isipen en sikandin he lumpiyu. Iyan, emun kenà sikandin ebpekelumpiyu te iketelu wey ikepitu he andew, kenà sikandin ed-isipen he lumpiyu.

Numero 19:13

Is minsan hentei he ebpekeǥawed te minatey he kenè din edlumpiyuwan is keugelingen din ne midremerikan din is Tulda te Nengazen. Kinahanglan he haazà he etew, kenà ed-isipen he sakup niw. Ne tenged te wazà sikandin mepiriki zuen te wahig he egemiten te kebpenlumpiyu, kenà egkaawà is kegkeremeriki kandin.

Numero 19:18

Ne is etew he ed-isipen he lumpiyu, ne megkuwa te senge rupung he isupu, ne ibpevudseng din heini zuen te wahig ne ipirik din diyà te tulda he mibpetayan wey ziyà te langun he gelemiten kayi, wey is menge etew zutun te tulda. Ebpirikan daan is etew he nekesamsam te tulan te minatey he etew, leveng, etawa minatey he etew he nevunù etawa minatey te netural he kemetayen.

Numero 31:19

Is langun keniyu he nekepatey etawa nekesamsam te minatey, kinahanglan he kayi zà te gawas te kampu seled te pitu he andew. Dutun iketelu wey ikepitu he andew, kinahanglan he mebpekelumpiyu kew wey is menge vihag niw.

Numero 31:24

Dutun te ikepitu he andew kinahanglan he ebpìpian niw is menge visti niw, ne kegkepasad dutun ed-isipen kew en he lumpiyu ne ebpekeseled kew en diyà te kampu.”