Numero 19:12 - Manobo Western Bukidnon OT

¹² Kinahanglan he edlumpiyuwan din is keugelingen din duen te wahig he egemiten te kebpenlumpiyu te iketelu wey ikepitu he andew, ne zutun ed-isipen en sikandin he lumpiyu. Iyan, emun kenà sikandin ebpekelumpiyu te iketelu wey ikepitu he andew, kenà sikandin ed-isipen he lumpiyu.

Numero 19:12 교차 참조

Salmo 51:7

Iawè nu is menge salè ku su wey a melumpiyuwi; lùlui a su wey a mebmeputì.

Exodus 19:11

Sigureduwa nu he andam sikandan dutun te iketelu he andew, su zutun he andew, siak is Nengazen, ebulus a kayi te Buntud he Sinai ne egkaahà a te langun he etew.

Exodus 19:15

Migkeǥiyan ni Moises sikandan te, “Pengandam kew para te meketelu ǥuntaan; kenè niw en dèpa hileveti is esawa niw.”

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Hoseas 6:2

Egkeiring kiw te minatey he segugunà ed-uyaǥen. Te kenà egkeuǥet ne ibpeenew kiw zin, ne ebpengungubpaan kiw ziyà te etuvangan din.

Leviticus 14:7

Ne haazà is wahig he zuen duen lengesa ne ibpirik din te kepipitu ziyà te etew he neulian te zaru zin te lundis, ne kegkepasad ibpeseyuzan din he lumpiyu en haazà is etew. Ne ibpaawà dutun te memumuhat sikan is uuyag he tagbis.

Leviticus 7:17

Ne emun duen pa maan egkesamà he usa taman te iketelu he andew, kinahanglan en he edtutungen heini.

Numero 31:19

Is langun keniyu he nekepatey etawa nekesamsam te minatey, kinahanglan he kayi zà te gawas te kampu seled te pitu he andew. Dutun iketelu wey ikepitu he andew, kinahanglan he mebpekelumpiyu kew wey is menge vihag niw.