Numero 18:30 - Manobo Western Bukidnon OT

³⁰ Emun igkahalad niw en is kineupiyahan he vahin, ed-isipen ku heini he halad niw he ebpuun diyà te ǥunasà etawa keresà te paras.

Numero 18:30 교차 참조

Genesis 43:11

Ne migkaǥi zutun is amey zan te, “Emun iyan en heeyan egkeulaula su wazà duma he paaǥi, ne zeyzey ke zuen edtinesen niw he menge meupiya he igasa he zini ebpuun te kenitew wey niw meuwit diyà te egalen dan. Uwit kew te menge bawì, teneb, penaket, menge perehemut, wey menge veǥas te kayu he pistasyu wey almindru.

Genesis 50:10

Ne hein nekeuma sikandan diyà te ǥunasà diyà te Atad he uvey te Wahig he Jordan, ne midlalew sikandan para ki Jacob, ne utew subra is kedlelendag dan. Ne midlalew si Jose seled te pitu he andew.

Exodus 29:27

“Ipehinungud nu kayi te kedì is menge vahin duen te kerehidu he pemuhat para te kedhimuwa ki Aaron he memumuhat wey te menge anak din, ragkes en kayi is kumeng wey buvun he imbayew kayi te kedì.

Malakias 1:8

Umbe, iyan impemuhat niw is menge uyaǥen he lakap, piang, etawa deruwanen. Kenà heeyan hustu! Gezami niw kun be beǥayi is gubirnedur niw te iring keniyan he kelasi te menge uyaǥen. Siguradu he kenà sikandin egkelipey keniyu wey kenè kew zin ebpaahaan te keupiya zin.” Iyan heini migkaǥi te Nengazen he Mekeǥeǥehem.

Numero 18:29

Kinahanglan he iyan niw ivahin kedì is kineupiyahan he vahin he ibeǥey keniyu.

Numero 18:31

Egkehimu he egkeenen niw wey te pemilya niw is keniyu he vahin diyà te minsan hendei, su suhul niw heeyan tenged te kebpenilbi niw ziyà te Tulda he Edtelevukaayan.

Deuteronomio 6:5

Mahala niw is Nengazen he Megbevayè niw ziyà te tivuuk he ǥehinawa niw, kedsavut niw, wey te tivuuk he zesen niw.