Numero 18:27 - Manobo Western Bukidnon OT

²⁷ Ne ed-isipen ku heini he halad niw he ebpuun te menge sebpet, he iring te midhalad kew te trigu he ebpuun diyà te ǥunasà etawa vinu he ebpuun diyà te keresà te paras.

Numero 18:27 교차 참조

Genesis 50:10

Ne hein nekeuma sikandan diyà te ǥunasà diyà te Atad he uvey te Wahig he Jordan, ne midlalew sikandan para ki Jacob, ne utew subra is kedlelendag dan. Ne midlalew si Jose seled te pitu he andew.

2 Hadì 6:27

Midtavak haazà is hadì te, “Emun kenè ka edtevangan te Nengazen ne hengkey is kedì he egkehimu? Wazè ku en trigu etawa vinu he igkeveǥey ku kenikew.”

Numero 15:20

Pemuhat kew te supas he iyan ebeelan niw is herina he egkehuna he ǥinaling niw, iring te ebeelan niw ziyà te egkehuna he sebpet te trigu niw he ebpuun te gunasà.

Numero 18:26

he keǥiya zin heini ziyà te menge Levihanen: “Emun egkezawat niw puun te menge Israilihanen is ikepulù he ibeǥey ku keniyu he iyan bahin niw, kinahanglan he veǥey kew zaan te ikepulù niw puun dutun te ikepulù, ne ihalad niw haazà kayi te kedì.

Numero 18:28

Pinaaǥi kayi ebpekeveǥey kew zaan te halad kayi te kedì puun te langun he ikepulù he egkezawat niw ziyà te menge Israilihanen. Ne is kediey he vahin he iyan is ikepulù te ikepulù he egkezawat niw ne iveǥey niw ziyà te ki Aaron he memumuhat.

Numero 18:30

Emun igkahalad niw en is kineupiyahan he vahin, ed-isipen ku heini he halad niw he ebpuun diyà te ǥunasà etawa keresà te paras.

Deuteronomio 15:14

Tulengezi nu sikandin, beǥayi nu te menge uyaǥen, trigu, wey vinu, sumalà is kedtuvazi kenikew te Nengazen he Megbevayè nu.