Numero 18:21 - Manobo Western Bukidnon OT

²¹ “Ne sikan is menge Levihanen, ebeyazan ku sikandan te kebpenilbi zan diyà te Tulda. Ibeǥey ku kandan is langun he ikepulù he ibeǥey te menge Israilihanen he kandan he egkepengevilin.

Numero 18:21 교차 참조

Genesis 14:20

Deliǥa is Utew Lavew he Megbevayà, su midhimu zin he mekezaag ka te menge kuntada nu.” Ne zutun, imbeǥey kandin ni Abram is ikepulù he vahin te langun he netavan din.

Genesis 47:24

Ne emun edraǥun kew en, iveǥey niw ziyà te hadì is ikelima he vahin te egkeraǥun niw. Ne keniyu en haazà is nesamà, para zuen niw igkepemula wey zuen daan keuyaǥan te tivuuk he pemilya niw.”

Genesis 47:26

Umbe midhimu ni Jose is belaud diyà te tanà te Ehipto he is ikelima he vahin te egkeraǥun ne para te hadì. Heini he velaud kemulu pa taman en guntaan. Iyan dà wazà maangken te hadì is tanà te menge memumuhat.

2 Cronica 31:12

Ne midmetinumanen he mid-uwit dutun is menge etew te menge halad dan, menge ikepulù, wey is menge azen he impehinungud dan diyà te Nengazen. Si Conania he sevaha he Levihanen iyan midseriǥan kayi he menge azen, is umuuǥup din iyan is suled din he maama he si Shimei.

Nehemias 10:29

nesevaha key te kebpenangdù duma te menge pengulu zey he edtumanen dey is Kesuǥuan he imbeǥey te Megbevayà pinaaǥi te suluǥuen din he si Moises. Nenangdù key zaan he edewaten dey is rawak te Megbevayà emun kenè dey egketuman is insaad dey he ed-ikulen dey is langun he menge suǥù wey menge sulunuzen he imbeǥey te Nengazen he Megbevayè dey.

Nehemias 10:37

Midsaad key pa he idata zey ziyà te menge memumuhat, diyà te budiga ziyà te valey te Megbevayè dey, is kineupiyahan he klasi te herina wey zuma he menge halad he para gasa. Ed-uwiten dey zaan is kineupiyahan he menge prutas dey, wey is kineupiyahan he veǥu he vinu, wey lana he ulibu. Ed-uwiten dey zaan diyà te menge Levihanen is ikepulù te menge abut dey, su iyan sikandan ebpengulikta te ikepulù diyà te langun he menge inged he zuen duen menge vevesukà. Emun ebpengulikte en te ikepulù is menge Levihanen,

Nehemias 10:38

eduma kandan is memumuhat he kevuwazan ni Aaron. Ne is ikesepulù he vahin dutun te egkekulikta zan ed-uwiten dan diyà te budiga ziyà te valey te Megbevayè dey.

Nehemias 12:44

Dutun daan he andew, duen menge maama he impezumala te menge budiga he teleǥuey te menge gasa, egkehuna he egkeraǥun, wey ikepulù. Iyan sikandan egkulikta te menge halad he ebpuun diyà te menge vevesukà diyà te nekeelingkus he menge inged ne para haazà te menge memumuhat wey menge Levihanen, sumalà te insuǥù diyà te Kesuǥuan. Su nelipey is menge etew ziyà te Juda te vuluhaten te menge memumuhat wey menge Levihanen.

Nehemias 12:47

Umbe, hein timpu ni Zerubabel wey ni Nehemias, is langun he menge Israilihanen mibeǥey te menge halad he para te menge perekanta wey te menge vantey te menge ǥemawan te valey te Nengazen, wey ragkes is para te menge Levihanen. Ne is nezawat te menge Levihanen, mibehinan dan dutun is menge memumuhat he menge kevuwazan ni Aaron.

Nehemias 13:12

Ne zutun mid-umanan uwita te langun he menge etew ziyà te Juda ziyà te menge budiga is ikepulù te trigu zan, binu zan, wey lana zan.

Nehemias 13:5

midtuǥutan din si Tobia te kegamit te zekelà he ruǥu zuen te valey te Nengazen. Heini he ruǥu egkeǥemit he para budiga te menge pemuhat he para gasa, beyewà, menge gelemiten dutun te valey te Nengazen, menge halad te menge memumuhat, menge ikepulù he trigu, binu, wey lana, he sumalà te Kesuǥuan para haazà te menge Levihanen, menge perekanta, wey te menge vantey te menge ǥemawan te valey te Nengazen.

Malakias 2:4

Ne egketuenan niw he impaaǥi ku ziyà te keniyu heini he kebmansu su para mekepedayun is kebpekid-uyun ku ki Levi.

Malakias 3:10

Guntaan, egkeǥiyan ku sikiyu he ǥezami a keniyu, is Nengazen he Mekeǥeǥehem. Uwita niw is tivuuk he ikepulù niw ziyà te budiga ziyà te valey ku su para zuen egkekaan dutun te valey ku. Emun ebeelan niw heini, ebpeuwitan ku sikiyu te uzan ne ebeǥayan ku sikiyu te ebpenubra he tuvad.

Numero 18:6

Iyan a mismu mibpilì te menge zuma nu he menge kevuwazan ni Levi puun te menge Israilihanen su wey zan mekeuǥup kenikew. Impehinungud sikandan kayi te kediey su wey zan mekepenilbi ziyà te Tulda he Edtelevukaayan.

Numero 3:6

“Ipetawag nu is tribu ni Levi ne zumaha nu ziyà te ki Aaron he memumuhat su wey zan mekeuǥup kandin.

Numero 31:28

Ne zutun te menge vahin te menge sundaru, sivey ka te para te Nengazen te sevaha te kada 500 he binihag he menge etew, etawa vaka, asnu, kerehidu, wey menge kambing.

Deuteronomio 18:8

Ebpekezawat daan sikandin te kandin he vahin duen te menge ibpemuhat minsan duen selakew en he egkekuwa zin puun te pemilya zin.