Numero 18:20 - Manobo Western Bukidnon OT

²⁰ Migkaǥi pa is Nengazen diyà te ki Aaron te, “Sikiyu is menge memumuhat, wazè niw egkepengevilin he tanà te Israel, su iyan a mismu ebeǥey te menge kinehenglanen niw.

Numero 18:20 교차 참조

Genesis 15:1

Ne hein neiwas haazà, mibpekidlalag ki Abram is Nengazen , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”

Salmo 142:5

Ebpengum-umawen ku sikew, Nengazen; iyan ka ebpengalang kedì. Iyan ke zà utew egkinehenglanen ku kayi te kelibutan.

Salmo 16:5

Nengazen, is kegkeengkena ku kenikew iyan en kegkeengkena ku te langun. Ibeǥey nu kediey is langun he kinahanglan ku. Ne ziyà te menge velad nu is untung ku.

Salmo 73:26

Minsan edluyahan is lawa ku wey isip ku, iyan ka, Megbevayè ku, ebpuunan te zesen ku. Iyan ke zà egkinehenglanen ku taman te taman.

Penhulùhulù 3:24

Nekekaǥi a ziyà te ǥehinawa ku te, “Is Nengazen iyan utew zekelà kayi te kediey, umbe ebperateng a kandin.”

Ezekiel 44:28

Mibpedayun megkaǥi is Nengazen te, “Wazà tanà he egkepengevilin te menge memumuhat te Israel, su iyan a mismu ebeǥey te menge kinahanglan dan.

Numero 18:7

Piru iyan ke zà wey is menge anak nu ebpekepenilbi pinaaǥi te kegkememumuhat, su iyan kew zà ebpekevaal te vuluhaten diyà te pemuhatà wey ziyà te Utew Segradu he Lugar. Gasa ku keniyu is kegkememumuhat niw. Is minsan hentei he ebaal kayi he kenà memumuhat ne edhimetayan.”

Numero 26:62

Is kahabet te maama he menge kevuwazan ni Levi he senge vulan pehendiyà te metikang is keǥurang dan ne 23,000. Wazà sikandan iragkes diyà te ketivuukan he vilang te menge Israilihanen su wazè man kandan he vahin duen te tanà he egkepengevilin te menge Israilihanen.

Deuteronomio 10:9

Iyan heini hinungdan ke maan is wazà mulà tanà he impepengevilin te menge kevuwazan ni Levi he nezawat mulà te zuma zan he menge Israilihanen. Iyan mismu kandan he kevilin is Nengazen sumalà is migkaǥi te Nengazen he Megbevayè niw.

Deuteronomio 12:12

Ne medlipey kew zutun diyà te etuvangan te Nengazen he Megbevayè niw, duma te menge anak niw, menge suluǥuen niw, wey is menge Levihanen he wazà mekepengevilin te tanà he ebpen-ubpà diyà te inged niw.

Deuteronomio 14:27

Ne kenè niw lipati is menge Levihanen su wazà tanà he nepengevilin dan.

Deuteronomio 14:29

Ne iveǥey niw heini ziyà te menge Levihanen (he wazà tanà he nepengevilin), diyà te kenà menge Israilihanen, diyà te menge ilu wey menge valu he vahi he ebpemen-ubpà diyà te menge inged niw su para mekekaan daan sikandan su wey zan mengahantey. Emun ed-ul-ulahan niw heini, edtuvazan kew te Nengazen he Megbevayè niw ziyà te langun he ebeelan niw.

Josue 13:14

Wazà beǥayi ni Moises is tribu ni Levi te tanà he egkepengevilin dan. Kekenà, iyan egkezawat dan is bahin te menge pemuhat pinaaǥi te hapuy he ibpemuhat diyà te Nengazen he Megbevayà te Israel, sumalà is migkaǥi zin diyà te ki Moises.

Josue 13:33

Iyan, wazà mulà beǥayi ni Moises te tanà he egkepengevilin dan is tribu ni Levi su iyan kandan he kevilin is Nengazen, he Megbevayà ni Israel, sumalà is migkaǥi zin kandan.

Josue 14:3

Mibeǥayan eni Moises te kandan he vahin sikan is dezuwa wey tengà he menge tribu ziyà te zapit te edsilaan te Jordan. Wazè din beǥayi te vahin is menge kevuwazan ni Levi, piru mibeǥayan din sikandan te menge inged he egkeubpaan dan wey menge penebtavà para te menge uyaǥen dan. Is kevuwazan ni Jose mibahin te zezuwa he tribu–is tribu ni Manase wey is tribu ni Efraim.

Josue 18:7

Piru kenè mulà ebehinan te tanà is menge Levihanen su iyan kandan he vahin is kebpenilbi te Nengazen pinaaǥi te kegkememumuhat dan. Is menge tribu ni Gad, ni Reuben, wey ketengà he tribu ni Manase nekezawat en te kandan he vahin diyà te tanà he zapit te edsilaan te Jordan, he imbeǥey kandan ni Moises te suluǥuen te Nengazen.”