Numero 18:19 - Manobo Western Bukidnon OT

¹⁹ Uya, ibeǥey ku keniyu heini is langun he menge segradu he pemuhat he ibayew te menge Israilihanen kayi te kedì. Para heini kenikew wey te menge kevuwazan nu he iyan keniyu he vahin taman te taman. Iyan heini kebpekid-uyun ku kenikew wey te menge kevuwazan nu he kenà egkahalin taman te taman.”

Numero 18:19 교차 참조

2 Hadì 12:16

Is selapì he imbeǥey zuma te menge halad su imbayad te salà wey is menge pemuhat he para idlumpiyu, wazà haazà iahuk duen te kahun diyà te valey te Nengazen, su para zà haazà te menge memumuhat.

2 Cronica 13:5

Wazè niw ve metueni he is Nengazen he Megbevayà te Israel, nekid-uyun ki David te uyun he wazà pidtemanan, he iyan sikandin wey is menge kevuwazan din ebpekahadì te Israel te taman te taman?

2 Cronica 31:4

Mibmenduan din daan is menge etew he menge meǥinged te Jerusalem he veǥayi zan te vahin is menge memumuhat wey menge Levihanen su wey zan mekepurung mekepenilbi sumalà is insuǥù te Kesuǥuan te Nengazen.

Exodus 29:27

“Ipehinungud nu kayi te kedì is menge vahin duen te kerehidu he pemuhat para te kedhimuwa ki Aaron he memumuhat wey te menge anak din, ragkes en kayi is kumeng wey buvun he imbayew kayi te kedì.

Ezekiel 43:24

ne ipemuhat nu heini ziyà te etuvangan te Nengazen. Ebpirikan heini te menge memumuhat te timus ne ibpemuhat dan heini he pemuhat he edtutungen.

Leviticus 2:13

Timusi niw is langun he menge pemuhat niw he para gasa, su is timus, simbulu te wazà pidtemanan he kebpekid-uyun niw te Megbevayà. Timusi niw is langun he menge pemuhat niw.

Leviticus 7:14

Mebpemuhat sikandin te tigselimbaha ziyà te kada kelasi kayi he supas he gasa ziyà te Nengazen. Ne ǥaked en heini te memumuhat he mibpemirik te lengesa he pemuhat he para te meupiya he kedepità.

Numero 18:11

Is duma he pemuhat te menge Israilihanen he ibayew ziyà te pemuhatà, ne para zaan keniyu. Imbeǥey ku heini kenikew wey te menge kevuwazan nu he keniyu he vahin taman te taman. Ebpekekaan kayi is minsan hentei ziyà te pemilya nu he ed-isipen he lumpiyu.

Numero 18:8

Ne migkaǥi is Nengazen diyà te ki Aaron te, “Iyan a mismu mibpilì kenikew para iyan ka mekezumala te vuluhaten para te segradu he menge pemuhat he ibpemuhat te menge Israilihanen kayi te kediey. Ibeǥey ku heini kenikew wey ziyà te menge anak nu he keniyu he vahin guntaan wey taman te taman.

Numero 31:29

Ne iveǥey nu heini ziyà te ki Eleazar he memumuhat su iyan heini vahin te Nengazen.

Numero 31:41

Imbeǥey ni Moises diyà te ki Eleazar he memumuhat is vahin te Nengazen sumalà te insuǥù kandin te Nengazen.

Deuteronomio 12:26

“Uwita niw ziyà te lugar he ebpilien te Nengazen is segradu he menge pemuhat wey is halad he insaad niw ziyà te kandin.

Deuteronomio 12:6

Dutun niw uwita is menge ibpemuhat niw he edtutungen wey is duma pa he menge pemuhat, is ikepulù niw, is ispisyal he menge gasa niw, is insaad niw he idhalad, is kineugelingen he menge halad, wey is kinekekayan te menge uyaǥen niw.