Numero 18:16 - Manobo Western Bukidnon OT

¹⁶ Ipelekat niw heini emun senge vulan en is keǥurang dan, ne kinahanglan he ipelekat niw heini te lelima he vuuk he pelata, he ibpesikad diyà te keveǥat te pelata ziyà te timbangan he egemiten te menge memumuhat.

Numero 18:16 교차 참조

Exodus 30:13

Is kada sevaha he maama he egkeragkes dutun te sinsus, kinahanglan he ebayad te heenem he gramu he pelata he edsungkad diyà te timbangan te pelata te menge memumuhat. Kinahanglan he ebayad is kada sevaha keniyu, su halad niw heini kayi te kedì.

Exodus 38:24

Is keveǥat te langun he vulawan he inhalad para egemiten te kebeeli zuen te Tulda he Ed-ezapan, menge 1,000 he kilu ziyà te timbangan te menge memumuhat.

Ezekiel 45:12

Is ‘shekel’ iyan ereg he ebesiyan te kedsukud te keveǥat. Is senge ‘shekel’ 20 he ‘giras’ wey 60 he ‘shekel’ ne senge ‘mina’.

Leviticus 27:25

Is langun he prisyu te menge inhalad diyà te Nengazen kinahanglan he ziyà ibpesikad te keveǥat te pelata ziyà te timbangan he egemiten te menge memumuhat.

Numero 18:15

Is langun he kinekekayan he anak he maama, etew man etawa uyaǥen, he idhalad kayi te kediey ne keniyu zaan. Piru kinahanglan he ibpelekat niw is menge kinekekayan he menge anak he maama wey is menge kinekekayan he menge uyaǥen he ed-isipen he meremerik.

Numero 18:17

Piru kenè niw mulà ipelekat is kinekekayan he tudu he vaka, kerehidu, etawa kambing su kediey en haazà. Lepaa niw heini ne ipirik niw is lengesa kayi ziyà te pemuhatà ne tutunga niw is menge tavà he pemuhat pinaaǥi te hapuy. Is kehemut kayi he pemuhat te pinaaǥi te hapuy ne ebpekepenunuat kedì.

Numero 3:46

Geina te midsubra te 273 is kinekekayan he maama he menge anak te menge Israilihanen kenà te menge kevuwazan ni Levi, kinahanglan he edlekaten sikandan.

Numero 3:47

Ne para melekat sikandan, kinahanglan he ebeyazan is kada sevaha kandan te lelima he vuuk he pelata he ibpesikad diyà te keveǥat te pelata ziyà te timbangan he egemiten te menge memumuhat.