Numero 18:12 - Manobo Western Bukidnon OT

¹² Imbeǥey ku zaan keniyu is meupiya he menge sebpet he idhalad te menge Israilihanen he ebpuun te egkehuna he sebpet dan: lana te ulibu, binu, wey trigu.

Numero 18:12 교차 참조

Genesis 27:28

Berakat he veǥayi ka te Megbevayà te uuzaran he tanà he layun egkahames te zehemug he ibeǥey zin, su wey utew zekelà is keuyaǥan nu wey vinu.

2 Hadì 4:42

Duen timpu, ne zuen sevaha he etew he ebpuun diyà te Baal Shalisha ne mid-uwit sikandin diyà te ki Elisha te 20 he supas he iyan mibeelan is nehuna he neraǥun he barli, wey beǥu he neraǥun he trigu. Migkaǥi si Elisha te, “Iveǥey nu heeyan diyà te grupu te menge ebpeneuven su wey zan mekaan.”

2 Cronica 31:5

Hein ingkepehibelu en heini ziyà te menge etew, mibpeketulanged is menge Israilihanen te kebeǥey te egkehuna he vahin te sebpet dan he trigu, binu, lana, teneb, wey te zuma pa he egkekuwa zan diyà te tanà. Imbeǥey zan is ikepulù te langun he pruduktu zan.

Salmo 147:14

Mibeǥayan kew zin te kelinew ziyan te ed-ubpaan niw. Ne midhantey kew zin te meupiya he egkeenen.

Salmo 81:16

Iyan, sikiyu mulà is menge etew ku, ibpekaan ku sikiyu. Edhentayen ku sikiyu te utew meupiya he trigu wey teneb.”

Exodus 22:29

“Kenè niw lipati is kebeǥey te halad kayi te kedì he ebpuun te neraǥun niw, menge vinu, wey menge lana. “Ipehinungud niw kedì is penganey he anak niw he menge maama.

Exodus 23:19

“Uwita niw ziyà te valey te Nengazen he Megbevayè niw is kinemeupiyahan duen te egkehuna he egkeraǥun niw ziyà te tanè niw. “Kenè niw hilutua is nati he kambing te ǥatas te iney zin.

Exodus 34:26

“Uwita niw ziyà te valey te Nengazen he Megbevayè niw is kinemeupiyahan duen te egkehuna he egkeraǥun niw ziyà te tanè niw. “Kenè niw hilutua is nati he kambing te ǥatas te iney zin.”

Ezekiel 44:30

Is kineupiyahan te egkehuna he menge sebpet niw wey is ispisyal he menge gasa kayi te kedì, diyà daan ebpekepevayà te menge memumuhat. Beǥayi niw zaan te kineupiyahan he herina niw is menge memumuhat, su wey metuvazi is pemilya niw.

Leviticus 2:12

Egkehimu ke ibpemuhat niw is tapey etawa teneb he iring te kebpemuhata niw te egkehuna he sebpet niw, piru kenà heini ereg he edtutungen diyà te pemuhatà.

Leviticus 2:14

Emun ibpemuhat niw is egkehuna he sebpet niw he iyan gasa he ibeǥey niw ziyà te Nengazen, pemuhat kew te ginaling he menge trigu he midsandag.

Leviticus 23:20

Ne ibayew te memumuhat diyà te etuvangan te Nengazen sikan is dezuwa he kerehidu wey is pemuhat he zuma te nehuna he neraǥun. Segradu heini he menge pemuhat diyà te Nengazen ne vahin heini te menge memumuhat.

Deuteronomio 18:3

“Iyan heini vahin te menge memumuhat he ebpuun te menge vaka etawa menge kerehidu he ibpemuhat te menge etew: is pemenayen, is bakà, wey is getek.

Deuteronomio 18:4

Iveǥey niw zaan diyà te menge memumuhat is egkehuna he vahin te trigu, binu, lana, wey vulvul te kerehidu niw.

Deuteronomio 26:2

itaǥù niw ziyà te revan is egkehuna he egkeraǥun niw. Ne uwita niw heini ziyà te lugar he ebpilien te Nengazen he Megbevayè niw he zutun sikandin ebeǥayi te zengeg.

Deuteronomio 32:14

Mibeǥayan din sikandan te menge kisu wey ǥatas he ebpuun diyà te menge vaka wey kerehidu, wey mibeǥayan te melambù he menge kerehidu, wey kambing he ebpuun diyà te Bashan. Mibeǥayan din daan sikandan te memeupiya he menge trigu wey impeinum te kinemeupiyahan he vinu he ebpuun te paras.