Numero 18:11 - Manobo Western Bukidnon OT

¹¹ Is duma he pemuhat te menge Israilihanen he ibayew ziyà te pemuhatà, ne para zaan keniyu. Imbeǥey ku heini kenikew wey te menge kevuwazan nu he keniyu he vahin taman te taman. Ebpekekaan kayi is minsan hentei ziyà te pemilya nu he ed-isipen he lumpiyu.

Numero 18:11 교차 참조

Leviticus 10:14

“Is imbayew he kumeng wey vuvun te uyaǥen he impemuhat diyà te Nengazen he egkehimu he ǥaked te menge memumuhat, ne keena nu zuma te tivuuk he pemilya nu. Keena niw heini ziyà te minsan hendei he lugar he ed-isipen tew he lumpiyu. Imbeǥey heini keniyu he vahin niw puun te menge pemuhat te menge Israilihanen he para te meupiya he kebpekidepità.

Leviticus 7:14

Mebpemuhat sikandin te tigselimbaha ziyà te kada kelasi kayi he supas he gasa ziyà te Nengazen. Ne ǥaked en heini te memumuhat he mibpemirik te lengesa he pemuhat he para te meupiya he kedepità.

Numero 18:1

Migkeǥiyan te Nengazen si Aaron te, “Sikew wey is menge anak nu he maama wey is menge kezuzumahi nu he ebpuun diyà te tribu ni Levi, keniyu he televaken is salà he egkeveelan niw zutun te kebpenilbi niw ziyà te Tulda he Edtelevukaayan. Piru iyan ke zà wey is menge anak nu is ebpekepenavak te salà he egkeveelan niw zutun te kegkememumuhat niw.

Numero 18:10

Keena niw heini ziyà te utew mahal he lugar. Iyan dà is menge maama ebpekekaan kayi ne isipa niw heini he segradu.

Numero 18:19

Uya, ibeǥey ku keniyu heini is langun he menge segradu he pemuhat he ibayew te menge Israilihanen kayi te kedì. Para heini kenikew wey te menge kevuwazan nu he iyan keniyu he vahin taman te taman. Iyan heini kebpekid-uyun ku kenikew wey te menge kevuwazan nu he kenà egkahalin taman te taman.”

Numero 18:8

Ne migkaǥi is Nengazen diyà te ki Aaron te, “Iyan a mismu mibpilì kenikew para iyan ka mekezumala te vuluhaten para te segradu he menge pemuhat he ibpemuhat te menge Israilihanen kayi te kediey. Ibeǥey ku heini kenikew wey ziyà te menge anak nu he keniyu he vahin guntaan wey taman te taman.

Deuteronomio 18:3

“Iyan heini vahin te menge memumuhat he ebpuun te menge vaka etawa menge kerehidu he ibpemuhat te menge etew: is pemenayen, is bakà, wey is getek.