Numero 17:5 - Manobo Western Bukidnon OT

⁵ Ne zutun ebpeneringsing is tuked te etew he ebpilien ku he ebpenilbi kedì pinaaǥi te kegkememumuhat ne pinaaǥi kayi egkeengked en is kedriklamu te menge Israilihanen ki Aaron wey kenikew.”

Numero 17:5 교차 참조

2 Cronica 26:16

Piru hein gemhanan en sikandin, ne mibpegalbu en sikandin. Ne iyan heini nekezezaat kandin. Wazà sikandin mebmetinumanen te egkesuatan te Nengazen he Megbevayè din, su midseled sikandin diyà te valey te Nengazen he nenguney medtutung te veyewà duen te pemuhatà.

Salmo 105:26

Ne zutun midsuǥù din si Moises he suluǥuen din wey si Aaron he pinilì din.

Exodus 16:7

ne zutun te meselem egkeehè niw is mekeǥeǥehem he kebpekiduma te Nengazen. Su nezineg din en is menge riklamu niw. Hentei key is edriklemuwan niw? Is tutuu, is Nengazen, iyan edriklemuwan niw.”

Isaias 11:1

Is menge kevuwazan ni David he menge hadì dengan, iring sikandan te mibpiley he kayu. Ne ǥeina te neneringsing en guntaan is tued kayi, duen gihapun kevuwazan daan ni David he egeraran te Subpang. Egkehimu sikandin he veǥu he hadì tew.

Isaias 13:11

Migkaǥi is Nengazen te, “Ebpeeǥiyan ku te limas is kelibutan tenged te kelelalung kayi, wey is menge mekesealà tenged te salè dan. Ibpeengked ku is menge gelbuwen, wey is menge mepelevawen he wazè dan hizu.

Isaias 27:6

Egkeuma is timpu he zutun is menge tig-Israel, he menge kevuwazan ni Jacob, ebpendalid iring te pinemula. Ebpeneringsing heini wey ebpengevukad. Ebpemeǥas heini te mahabet ne ebpekeeneb te tivuuk he kelibutan.

Isaias 5:24

Umbe, iring kew te neǥangu he reǥami wey sagbet he meǥaan dà edeketi te hapuy wey egkeigmuk; segugunè kew egkengezeeti. Egkeiring kew te pinemula he neredak is dalid din, ne is menge kevukad din, inlayap he henduen dà te eliyavuk, su geina te inselikwey niw is Kesuǥuan te Nengazen he Mekeǥeǥehem, kes Waǥas he Megbeveyà te Israel.

Ezekiel 16:41

Ebinsulan dan is menge valey nu ne edsilutan ke zan diyà te etuvangan te mezakel he menge vahi. Ebpeengkezan ku kenikew is kebpelelevag nu wey is kebayad nu ziyà te menge kumpadi nu.

Ezekiel 23:27

Ne egkeengked en is mezaat he vaal nu he iyan is kebelegyè nu te zengeg nu, he ziyè nu zà puuni te Ehipto. Kenè nu en heeyan egketenuzan, ne egkelipatan nu en is Ehipto.

Hoseas 14:5

Edtuvazan ku is menge tig-Israel. Egkeiring a te zehemug he ebpekevinyag te menge pinemula. Ed-uswag sikandan iring te liryu he ebpemulak. Ebmelig-en sikandan iring te kayu he sidru ziyà te Lebanon he mezalem is nesenevan te zalid din.

Numero 1:51

Emun idhalin haazà is Tulda, iyan sikandan ebaal kayi, ne emun ed-umanan ebenguna heini, ne iyan dan gihapun ebangun kayi. Ne is minsan hentei he kenà kevuwazan ni Levi he ebaal kayi he vuluhaten, ne edhimetayan.

Numero 11:1

Ne midriklamu is menge Israilihanen mehitenged te kelised dan. Kegkezineǥa kayi te Nengazen, nepauk sikandin ne midretem din is hapuy he nekevinsul te nepipira he vahin te peliǥuy te kampu zan.

Numero 16:11

Sikew wey is menge sumusunud kenikew, nekidsukulà te Nengazen ne kenà diyà te ki Aaron.”

Numero 16:5

Ne migkeǥiyan din si Kora wey is langun he sumusunud kandin te, “Keeselem ke meselem ibpezayag te Nengazen ke hentei is tutuu he mibpilì din he ebpenilbi kandin pinaaǥi te kegkememumuhat, su ibpeuvey zin diyà te etuvangan din is mibpilì din. Umbe iyan heini veeli niw keeselem: Kuwa kew te teleǥuey te menge veyewà,

Numero 17:10

Ne migkaǥi is Nengazen diyà te ki Moises te, “Ilikù nu heeyan is tuked ni Aaron diyà te etuvangan duen te Kavan te Kebpekid-uyun ku su para mehimu heini he petizaan diyà te menge mesinupaken he ebpematey sikandan emun kenè dan ed-engked he edriklamu kayi te kedì.”

Numero 17:6

Umbe, migkeǥiyan ni Moises is menge Israilihanen, ne is kada pengulu mibeǥey kandin te tuked. 12 langun he tuked, ne in-amut dutun is ki Aaron.

Numero 17:8

Ne hein nepawà, midseled si Moises duen te Tulda he midsevukan te Kesuǥuan. Ne neehè din is tuked ni Aaron he midriprisintar te tribu ni Levi, ne kenè dà te neneringsing heini, kekena, midtuvù, nengevukad, wey nemeǥas te almindru.

Josue 4:7

keǥiyi niw sikandan he mid-engked he edtudà is Wahig he Jordan hein inlayun sikan is Kavan te Kebpekid-uyun te Nengazen. Heini he menge vatu kenà egkaawà he tedeman te menge etew te Israel taman te taman.”