4 Ne ziyà heini idsavuk is langun te Tulda he Edtelevukaayan, diyà te egkesineruwan duen te Kavan te Kebpekid-uyun he zutun a ebpekidhinguma keniyu ki Aaron.
Bekbeka niw is duma kayi taman te egkepurung egkepurbus, ne isawed niw ziyà te etuvangan duen te Kavan te Kebpekid-uyun he zuen te Tulda he Edtelevukaayan, he zutun a ebpekidhinguma kenikew. Kinahanglan he ed-isipen nu heini he utew segradu.
Isavuk niw heini he pemuhatà diyà te gawas duen te egkurtinahan te kurtina he ibitey ziyà te egkesineruwan duen te Kavan te Kebpekid-uyun ku keniyu. Ne zutun a he lugar ebpekidhinguma keniyu.
Ne migkaǥi is Nengazen diyà te ki Moises te, “Ilikù nu heeyan is tuked ni Aaron diyà te etuvangan duen te Kavan te Kebpekid-uyun ku su para mehimu heini he petizaan diyà te menge mesinupaken he ebpematey sikandan emun kenè dan ed-engked he edriklamu kayi te kedì.”
