Numero 17:2 - Manobo Western Bukidnon OT

² “Keǥiyi nu is menge Israilihanen he mebeǥey te tuked diyà te kenikew is kada pengulu te tribu. Ne pesurati heini te kada ngazan dan. 12 langun he tuked.

Numero 17:2 교차 참조

Genesis 49:10

Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.

2 Cronica 31:17

Heini sikandan, mibeǥayan te kandan he vahin iring duen te menge memumuhat he ingkelista, ne mibeǥayan daan is menge Levihanen he 20 he tuig is keǥurang dan pehendiyà te metikang, he ebaal zaan te buluhaten diyà te kandan he grupu.

Salmo 110:2

Mahal he Hadì, ebpuun te Zion ibpemeluag te Nengazen is ginhedian nu, ne edhedian nu is menge kuntada nu.

Salmo 125:3

Kenè din idtugut he ebpedayun is kedumala te menge lalung diyà te tanà te menge metazeng, su kela ke mekevaal zaan te mezaat is menge metazeng.

Exodus 30:26

Ne gemita niw heini te kedlana te Tulda he Edtelevukaayan, wey zuen te Kavan te Kebpekid-uyun ku keniyu, wey zuen te lemisahan wey is langun he kehimanan din wey zuen te ibpehitindeg he sulù wey is langun he menge himan din, wey zuen te pemuhatà te edtutungen he veyewà, wey zuen te pemuhatà te menge pemuhat he edtutungen wey te menge gelemiten din, is bisin wey is selevukè din.

Exodus 4:17

Iyan, uwita nu heeyan is tuked he egewezan nu su pinaaǥi keniyan ebpekehimu ka te menge singyal.”

Exodus 4:2

Ne migkaǥi is Nengazen diyà te kandin te, “Hengkey heeyan is egewezan nu?” Ne midtavak sikandin te, “Tuked.”

Ezekiel 19:14

Netutung is sevaha he subpang kayi ne midelandap diyà te zuma he menge subpang ne netutung is menge veǥas din. Umbe wazè en nesamà he melig-en he subpang din he egkehimu he ebeelan he tuked te hadì. “Heini he kebpenhulùhulù ereg he egkentahan kayi he timpu.”

Ezekiel 21:13

Sevaha heini he penggezam te menge etew ku. Kenè dan isipa he kenè ku edleusen is kebmensuwa ku kandan he và dan dà edwelwelia. Iyan a, is Nengazen he MEGBEVAYÀ, is migkaǥi kayi.

Micas 7:14

Mid-ampù is menge Israilihanen diyà te Nengazen he ke sikandan te, “Ventayi key is menge etew nu he migaked nu, te iring te kebantey te perevantey te menge kerehidu. Is menge tanà diyà te peliǥuy zey ne zekelà is egketabtab duen, piru sikami nengungubpaan key kayi te sibsivayan he iyan key zà. Ipeuman nu ipemeluag is tanè dey taman te Bashan wey Gilead iring te nehuna he timpu.

Numero 17:1

Migkaǥi is Nengazen diyà te ki Moises te,

Numero 17:3

Diyà te tuked te tribu ni Levi, ne idsurat dutun is ngazan ni Aaron su kinahanglan he zuen sevaha he tuked te kada pengulu te tribu.

Numero 7:1

Hein ingkepelastar en ni Moises sikan is Tulda he Ed-ezapan, mibpirikan din heini te lana, ne impehinungud din ragkes en is langun he menge gelemiten kayi. Iyan daan heini mibeelan din duen te tulda he iring ded te mibeelan din duen te pemuhatà wey is langun he ǥelemiten kayi.