Numero 16:45 - Manobo Western Bukidnon OT

⁴⁵ “Pekeziyù kew keniyan te menge etew su segugunè ku sikandan edèdeeti.” Ne midluhud sikandan is dezuwa.

Numero 16:45 교차 참조

Genesis 19:14

Ne zutun mibeyaan ni Lot is menge maama he nekekaǥun te menge anak din, ke sikandin te, “Kuwa kew en su ebpelaǥuy kiw kayi su edlimasen en te Nengazen heini is inged tew.” Piru wazè dan mebpemineg su kunaan dan ke suyat dà haazà ni Lot.

1 Cronica 21:16

Midlingahà si David ne neehè din is belinsuǥuen te Nengazen he midhitendeg diyà te hewhewanan, he teliwazà te langit wey tanà he egawed te lembitan he ebpeketezù diyà te Jerusalem. Ne midluhud si David wey haazà is menge ebpemendumala te Israel, he mibpengukumbalà te saku he tuus te kedlalew zan.

Numero 16:24

“Keǥiyi nu is menge etew he mebpekeziyù dan diyà te menge tulda keniyan te tetelu he si Kora, si Datan, wey si Abiram.”

Numero 16:26

Ne migkeǥiyan din is menge etew te, “Pekeziyù kew ziyà te menge tulda keniyan te lalung he menge etew! Kenè kew ǥawed te minsan hengkey he ǥaked dan, su emun ebeelan niw heini ne edèdeetan kew tenged te langun he menge salè dan.”

Numero 16:44

Ne migkaǥi is Nengazen diyà te ki Moises te,

Numero 20:6

Umbe, mid-awà si Moises wey si Aaron diyà te menge etew, ne midhendiyè dan te gemawan te Tulda he Edtelevukaayan, ne midluhud dan is ebpengemuyù. Ne mibpaahà kandan is mekeǥeǥehem he kebpekiduma te Nengazen.