Numero 16:42 - Manobo Western Bukidnon OT

⁴² Dutun te kedtiǥum dan su ibpetuenan dan ki Moises wey ki Aaron is menge riklamu zan, midsinaru zan diyà te Tulda he Edtelevukaayan ne neehè dan he netembunan heini te ǥapun ne impaahà te Nengazen is mekeǥeǥehem he kebpekiduma zin.

Numero 16:42 교차 참조

Exodus 16:10

Ne zutun te kedlelaǥi ni Aaron te tivuuk he keet-etawan, midtengteng sikandan diyà te sibsivayan ne netik-ew zan maahà dutun is mekeǥeǥehem he kebpekiduma te Nengazen diyà te ǥapun.

Exodus 16:7

ne zutun te meselem egkeehè niw is mekeǥeǥehem he kebpekiduma te Nengazen. Su nezineg din en is menge riklamu niw. Hentei key is edriklemuwan niw? Is tutuu, is Nengazen, iyan edriklemuwan niw.”

Exodus 24:16

ne mibulus is Nengazen dutun te Buntud he Sinai. Ne seled te heenem he andew netembunan te ǥapun haazà is buntud, ne hein ikepitu en he andew mid-umew si Moises te Nengazen puun duen te ǥapun.

Leviticus 9:23

Ne midseled si Moises wey si Aaron duen te Tulda he Edtelevukaayan. Ne hein migawas sikandan, mibpenubtuvazan dan is menge etew. Ne impezayag te Nengazen is gehem din diyà te menge etew pinaaǥi te kebpevulus te hapuy he mid-amin medtutung te menge pemuhat diyà te pemuhatà. Ne hein naahà heini te menge etew, nemengulahì dan tenged te kegkelipey, ne midluhud dan te ked-azap te Nengazen.

Numero 14:10

Ne zutun, ebpenulengen en pezem sikandan te vatu te menge zuma zan he Israilihanen, piru midtik-ew mebpaahà diyà te zivavew zuen te Tulda he Edtelevukaayan is mekeǥeǥehem he kebpekiduma te Nengazen.

Numero 16:19

Ne hein netiǥum en ni Kora is menge sumusunud kandin diyà te etuvangan ni Moises wey ni Aaron, diyà te ǥemawan te Tulda he Edtelevukaayan, mibpeehè en te langun he etew zutun is mekeǥeǥehem he kebpekiduma te Nengazen kandan.

Numero 16:43

Ne midhendiyà si Moises wey si Aaron te egkesineruwan duen te Tulda.

Numero 20:2

Wazà wahig dutun he lugar, umbe midsevehe en maan is menge etew te kebpekigkuntada ki Moises wey ki Aaron.

Numero 20:6

Umbe, mid-awà si Moises wey si Aaron diyà te menge etew, ne midhendiyè dan te gemawan te Tulda he Edtelevukaayan, ne midluhud dan is ebpengemuyù. Ne mibpaahà kandan is mekeǥeǥehem he kebpekiduma te Nengazen.