Numero 16:35 - Manobo Western Bukidnon OT

³⁵ Ne mibpengelinteuwan te Nengazen he medtuvù is hapuy ne neepur sikan is 250 he menge sumusunud ni Kora he nemuhat te veyewà.

Numero 16:35 교차 참조

Salmo 106:18

Wey zuen daan hapuy he midtutung duen te menge sumusunud kandan he menge lalung daan.

Salmo 50:3

Ne ebpekeuma is Megbevayà he ebpetuus, su ziyà te egkehunaan din duen egkeregreg he hapuy, ne ziyà te ebpekeliǥuy kandin ne zuen bagyu.

Ezekiel 8:11

Ne ziyà te egkesineruwan kayi edhithitindeg is 70 he menge edumala te Israel, ne is sevaha kandan iyan si Jaazania he anak ni Shafan. Is kada sevaha kandan egawed te teleǥuey te veyewà, ne edlipuwak is mekepal he evel te veyewà.

Leviticus 10:2

Umbe, impevulus te Nengazen is hapuy he midtutung kandan taman te minatey zan diyà te etuvangan te Nengazen dutun te Tulda he Edtelevukaayan.

Numero 16:17

Is kada sevaha zuen te 250 he menge sumusunud nu, ipeuwit nu te teleǥuey te veyewà ne peteǥui nu kandan te veyewà, he para te ibpemuhat diyà te Nengazen. Ne sikiyu ki Aaron, uwit kew zaan te tigselimbaha he teleǥuey te veyewà.”

Numero 16:34

Is langun he menge Israilihanen he nekeliǥuy kandan mibpekeziyù hein nezineg dan is kulehian duen te menge etew, su neisip dan he kela ke elin sikandan evelenga te tanà.

Numero 16:36

Migkeǥiyan te Nengazen si Moises te,

Numero 16:49

Piru 14,700 is nemematey tenged dutun he kezeetan kenà ragkes is nemematey tenged ki Kora.

Numero 26:10

Piru mid-eveleng sikandan te tanà duma ki Kora, ne sikan 250 he sumusunud kandan nemematey pinaaǥi te hapuy. Heini he hitavù nehimu he petizaan diyà te menge Israilihanen.

Numero 3:4

Piru si Nadab wey si Abihu, minatey ziyà te etuvangan te Nengazen hein migamit dan te hapuy he kenà iyan sikan is hapuy he para te kebpemuhata te Nengazen hein diyè dan te sibsivayan he Sinai. Minatey sikandan he wazè dan menge anak, umbe iyan dà si Eleazar wey si Itamar nenilbi pinaaǥi te kegkememumuhat dutun te kaazen pa te amey zan he si Aaron.