Numero 16:28 - Manobo Western Bukidnon OT

²⁸ Migkeǥiyan ni Moises is menge etew te, “Pinaaǥi kayi egketuenan niw he iyan midsuǥù kedì is Nengazen te kebaal kayi he menge vaal, ne kenà kediey zà he suat!

Numero 16:28 교차 참조

1 Hadì 18:36

Hein timpu en te kebpemuhat, mid-uvey si Elias he ebpeneuven duen te pemuhatà ne nengemuyù sikandin. Ke sikandin te, “Nengazen he Megbevayà ni Abraham, ni Isaac, wey ni Jacob, ipeehè nu is puriba ǥuntaan he andew he iyan ka Megbevayà te Israel ne suluǥuen a kenikew, ne mibeelan ku heini is langun he vaal su iyan insuǥù nu.

Exodus 3:12

Ne migkaǥi is Megbevayà te, “Eduma a kenikew. Ne is egkehimu he singyal he iyan a midsuǥù kenikew iyan is: Emun igkepeǥawas nu en sikandan puun te Ehipto, ne kayi a keniyu ed-ezapa te vuvungan.”

Exodus 4:12

Umbe, genat ke en ne ed-uǥupan ku sikew te kegkaǥi wey ibpenurù ku kenikew ke hengkey is egkeǥiyen nu.”

Exodus 4:15

Lelaǥi nu sikandin, ne ipenurù nu kandin is egkeǥiyen din. Ne ed-uǥupan ku sikiyu is dezuwa te kegkaǥi, wey ibpenurù ku keniyu is ereg he ebeelan niw.

Exodus 7:9

“Emun egkeǥiyan kew te hadì te Ehipto te peehè kew te singyal, ne keǥiyi nu Moises si Aaron te, ‘Itimbag nu is tuked nu ziyà te etuvangan te hadì ne ebaluy haazà he uled.’ ”

Jeremias 23:16

Migkeǥiyan te Nengazen he Mekeǥeǥehem is menge etew ziyà te Jerusalem te, “Kenè kew pemineg te egkeǥiyen kayi te teruen he menge ebpeneuven. Ibpeperateng kew zan dà te tarù. Is egkeǥiyen dan he nengelewasan dan ne kenà diyà ebpuun te kediey su ziyè dà te isip dan.

Ezekiel 13:17

“Guntaan, sikew is etew, penagnè ka te ebpekesuǥat te menge vahi he nenagnà te binèbeelan dà.

Zacarias 2:9

“Edsilutan ku iyan sikandan; edsurungen sikandan te menge uripen dan ne egkuwaan is menge azen dan.” Emun egkehitavù en heini egketuenan niw he iyan is Nengazen he Mekeǥeǥehem midsuǥù kedì, migkaǥi si Zacarias.

Zacarias 4:9

he egkepasad is baley zin pinaaǥi te kedumala ni Zerubabel, iring te nehimu is ebpehitindeǥan kayi pinaaǥi ǥihapun te kandin he kedumala. Ne emun egkehitavù en heini, egketuenan niw he iyan midsuǥù kedì te kebpenudtul ziyà te keniyu is Nengazen he Mekeǥeǥehem.

Numero 24:13

he minsan iveǥey nu pa kediey is turuǥan nu he nepenù te pelata wey vulawan, ne kena a ebpekehimu he ebaal te keugelingen ku he suat, mezaat man heini etawa meupiya. Kekenà, iyan dà egkeǥiyen ku is egkeǥiyen te Nengazen kayi te kediey.

Deuteronomio 18:22

Emun kenà egkeulaula etawa kenà egketuman is egkeǥiyen te ebpeneuven he ibpekaǥi kun kandin te Nengazen, ne heeyan he lalag ne kenà lalag te Nengazen. Kekenà, keugelingen dà he lalag dutun te ebpeneuven, umbe kenè niw sikandin ikahandek.