Numero 16:21 - Manobo Western Bukidnon OT

²¹ “Pekeziyù kew kayi te menge etew su ebpenhimetayan ku sikandan guntaan.”

Numero 16:21 교차 참조

Genesis 19:13

su edèdeetan dey en heini is inged. Nezineg en te Nengazen is menge riklamu kandan tenged te menge ulaula zan he mezaat. Umbe midsuǥù key zin dini su ibpelimas din kenami heini he inged.”

Genesis 19:14

Ne zutun mibeyaan ni Lot is menge maama he nekekaǥun te menge anak din, ke sikandin te, “Kuwa kew en su ebpelaǥuy kiw kayi su edlimasen en te Nengazen heini is inged tew.” Piru wazè dan mebpemineg su kunaan dan ke suyat dà haazà ni Lot.

Salmo 73:19

Egketik-ew zà sikandan egkengezeeti; egkeumahan sikandan te mekahandekhandek he hitavù ne ebpematey sikandan is langun.

Exodus 32:10

Ne ǥuntaan bey-ani e en kenikew su nepeukan ku en sikandan ne edèdeetan ku en sikandan. Ne iyan ke zà wey is menge kevuwazan nu edhimuwen ku he ventuǥan he nasyun.”

Exodus 32:12

Emun egeraan nu is menge etew nu kenè be ebpekekaǥi is menge Ehiptohanen te iyan nu zà impeǥewasa kandan diyà te Ehipto su egeraan nu sikandan kayi te vuntud su wey maawà sikandan kayi te kelibutan? Umbe deyzey ke id-awè nu is pauk nu kandan; deyzey ke edhelinen nu is isip nu ne kenè nu zed sikandan edèdeetan.

Exodus 33:5

Su geina te mibpekeǥiyan sikandan te Nengazen ki Moises te, “Utew kew mesinupaken he menge etew ne emun eduma a keniyu te minsan meǥaan dà ne egkezezeetan ku en sikiyu tenged te kenè ku kebpekaantus. Ne pemul-uta niw is menge elahas niw ne iyan e en metau ke hengkey is ebeelan ku ziyà te keniyu.”

Isaias 37:36

Ne zutun midhendiyà is belinsuǥuen te Nengazen te kampu te menge tig-Asiria ne migerè din is 185,000 he menge sundaru. Ne hein meselem en, ked-enew zuen te nesamà he menge uuyag, neehè dan is utew mahabet he nemematey.

Jeremias 5:16

Ebpekepatey is menge gumaan dan, ne memevurut sikandan he menge sundaru.

Numero 14:12

Ibpaaǥi ku ziyà te kandan is kezeetan, ne edezeetan ku sikandan, piru edhimuwen ku mulà sikew he sevaha he nasyun, he edhuna pa kandan he mekeǥeǥehem wey melig-en.”

Numero 14:15

Ne emun egeraan nu heini he menge etew te kesevaha zà, is menge etew ziyà te menge nasyun he nekezineg te kegkevantug nu egkaǥi te,

Numero 16:20

Migkeǥiyan te Nengazen si Moises wey si Aaron,

Numero 16:45

“Pekeziyù kew keniyan te menge etew su segugunè ku sikandan edèdeeti.” Ne midluhud sikandan is dezuwa.

Numero 17:10

Ne migkaǥi is Nengazen diyà te ki Moises te, “Ilikù nu heeyan is tuked ni Aaron diyà te etuvangan duen te Kavan te Kebpekid-uyun ku su para mehimu heini he petizaan diyà te menge mesinupaken he ebpematey sikandan emun kenè dan ed-engked he edriklamu kayi te kedì.”