Numero 15:35 - Manobo Western Bukidnon OT

³⁵ Ne migkaǥi is Nengazen diyà te ki Moises te, “Kinahanglan he edhimetayan haazà he etew, ibpetuleng sikandin te vatu te langun, diyà te ǥawas te kampu.”

Numero 15:35 교차 참조

1 Hadì 21:13

Ne zutun dutun duen nekeuma he dezuwa he menge buguy ne mibpinuu zan diyà te etuvangan ni Nabot, ne insumbung dan sikandin diyà te etuvangan te menge etew. Ke sikandan te, “Mibpenrewakan ni Nabot is Megbevayà wey is hadì.” Umbe mid-uwit dan si Nabot diyà te ǥawas te inged ne mibpenuleng dan te vatu taman te kebpatey zin.

Leviticus 20:2

he keǥiya zin heini ziyà te menge Israilihanen: Is minsan hentei keniyu te menge Israilihanen etawa kenà menge Israilihanen he mid-ubpà duma keniyu he ebpemuhat te anak din diyà te ed-ezapen he si Molec, kinahanglan he penulenga niw te vatu taman te kebpatey zin.

Leviticus 20:27

Emun duen keniyu veyilan he ebpekidlalag te ǥimukud te nemematey en, kinahanglan he ebpenulengen sikandin te vatu taman te ebpatey. Ne iyan dà sikandin egkevasul zutun te kemetayen din.

Leviticus 24:23

Hein nepasad ni Moises heini te egkaǥi ziyà te menge Israilihanen ne mid-uwit dan sikan is etew he midsumpalit din is Megbevayà diyà te ǥawas te kampu ne mibpenuleng dan te vatu, sumalà te insuǥù te Nengazen ki Moises.

Numero 15:36

Umbe, mid-uwit sikandin te menge etew pehendiyà te ǥawas te kampu ne mibpenuleng dan te vatu taman te minatey, sumalà te insuǥù te Nengazen ki Moises.

Deuteronomio 21:21

Ne haazà, kinahanglan he ebpenulengen te vatu te langun he menge meǥinged dutun te inged taman te ebpatey. Kinahanglan he id-awè niw ziyà te keniyu heini he mezaat he vaal. Ne emun egkezineg heini te langun he menge Israilihanen ne egkahandek dan.