Numero 15:30 - Manobo Western Bukidnon OT

³⁰ “Piru sikan is midtivevà is kebaal zin te salà, Israilihanen man etawa kenà, ne midsumpalit e zin. Ne kinahanglan he kenè en sikandin egkilelaan he zuma niw.

Numero 15:30 교차 참조

Genesis 17:14

Ne ke zuen minsan hentei he maama he zuma niw he kenà ebpesirkunsidar, kenè niw en isipa he zuma niw sikandin, su wazè din ilelenged is kebpekid-uyun ku.”

Job 38:15

Tenged te kerayag, kenà ebpekeuyayà is menge lalung, su kenè dan ebpekepesipala te zuma.

Salmo 19:13

Ne tevangi a zaan kenikew wey a kenà mekevaal te menge salà he edtivevaan ne kenè nu ituǥut he meuripen a kayi, su para wazà igkesawey kedì ne zutun egkelikayan ku is mehabet he kelasi te kebpekesalà.

Salmo 69:9

Ebpesipelahan a tenged te kebmahala ku te valey nu. Ibmesakit te gehinawa ku is lalag te menge etew he insultu kenikew.

Salmo 74:18

Tentenuzi nu, Nengazen, is kebpeel-elezi wey kedsudia kenikew te menge tulebung he menge kuntada.

Salmo 74:22

He Megbevayà, levani nu en guntaan is dengeg nu. Tentenuzi nu he edtulungan ke en ebpeel-elezi te menge tulebung.

Salmo 79:12

Nengazen, kepipitu nu tekepa is penimales nu te uvey zey he menge nasyun te kebpeel-elezi zan kenikew.

Salmo 89:51

Iyan, is menge kuntada nu, Nengazen, edsudì te pinilì nu he hadì minsan hendei sikandin ebayà.

Exodus 21:14

Iyan, emun duen edhimatey te zuma zin he etew pinaaǥi te akal, ne minsan diyè pa sikandin mebpelaǥuy te pemuhatà para kediey, iawè niw zutun ne himetayi niw ziyà te gawas.

Exodus 30:33

Is minsan hentei keniyu he ebaal te iring kayi he lana he ibpenlana zin etawa idlana zin te zuma he etew zà duen su kenà memumuhat, ne kenè niw en sikandin isipa he zuma niw.”

Erubasa 14:31

Is kedèdaaǥa te menge pubri, paaǥi te kedsupaka te Megbevayà, iyan, is kedtevangi te etew he kinahanglan he edtevangan, paaǥi te kebentuǥa te Megbevayà.

Ezekiel 20:27

“Umbe, sikew is etew, keǥiyi nu is menge Israilihanen, he siak, is Nengazen he MEGBEVAYÀ, migkaǥi a te: ‘Is menge kepuun niw mibpedayun is kebpendezeisaya zan wey kedluivi zan kedì.

Leviticus 20:10

Emun ebpekidhilavet is maama te esawa te zuma, ne sikandin wey kes bahi kinahanglan he edhimetayan.

Leviticus 20:3

Egkeepesan ku heeyan he etew ne kenè niw en isipa he zuma niw, su zutun te kebpemuhata zin te anak din diyà te ki Molec, midremerikan din is lugar he zutun a keniyu ed-ezapa ne mibpendezeisey zin is ngazan ku. Emun ebey-anan niw zà haazà he etew,

Leviticus 20:6

Egkeepesan ku zaan is etew he edangep wey edsunud te menge veyilan he ebpekidlalag te ǥimukud te nemematey en. Kenè ku sikandan ed-isipen he zuma niw.

Numero 15:29

Neked-iring dà is sulunuzen he para zuen te nekesalà he wazè din tivevaa, Israilihanen man etawa kenà Israilihanen he emurè niw te inged.

Numero 9:13

“Piru is etew he lumpiyu wey wazà medhipanew ziyà te meziyù he wazà medsilibra te Pista te Kedlavey te Belinsuǥuen, heeyan he etew kinahanglan he kenè en egkilelaan he zuma niw, su wazà sikandin mebpemuhat te pemuhat he para te Nengazen dutun te midtelaan he timpu. Heeyan he etew egkerasey tenged te salè din.

Deuteronomio 1:43

“Ne iyan haazà migkaǥi ku ziyà te keniyu, piru wazà a keniyu pemineǥa. Midsupak niw is suǥù te Nengazen, tenged te kebmepedeligen niw nenurung kew zuen te vuvungan.

Deuteronomio 32:27

Ne minsan pa zutun, ne kenè ku idtuǥut he mekepezalig is menge kuntada he edhenduen te, ‘Nezaag tew sikandan te kenitew he ketau ne kenà iyan is Nengazen midhimu kayi.’ ”

1 Samuel 2:25

Mid-uman megkaǥi si Eli te, “Ke zuen etew he ebpekesalà diyà te zuma zin, egkehimu he iyan ebpeteliwazà kandan is Megbevayà; piru hentei is egkehimu he ebpeteliwazà ke ebpekesalà is etew ziyà te Nengazen?” Ne zutun wazà pemineǥa te menge anak din is lalag din tenged te nepasad en is hukum kandan te Nengazen he edhimetayan sikandan.

1 Samuel 3:14

Umbe, impenangdù ku he is salà te pemilya ni Eli taman te taman ne kenà egkepesaylu pinaaǥi te kebpemuhat te minsan hengkey he menge pemuhat.”