Numero 14:8 - Manobo Western Bukidnon OT

⁸ Emun nekepenunuat kiw te Nengazen, egiyahan kiw zin te kedhendutun te tanà he meupiya wey selebpeten, ne ibeǥey zin kenitew.

Numero 14:8 교차 참조

2 Samuel 22:20

Midlibri a kenikew te ebpekekaid pezem kedì su ingkesuat a kenikew.

1 Hadì 10:9

Ereg he edeliǥen is Nengazen he Megbevayè nu, nelipey kenikew wey midhimu kenikew he hadì te Israel. Tenged te wazà pidtemanan he ǥaǥew te Nengazen te menge Israilihanen, midhimu ke zin he hadì su para egkezumahan te hustu he kukuman wey ketazeng is kegemita nu te ǥehem nu.”

2 Hadì 18:32

Egkehimu heini taman te ebpekelikù a ne edumahan ku sikiyu ziyà te tanà he iring te tanè niw. Haazà is tanà, ne zuen duen menge pemuleey te paras he ebpekeveǥey keniyu te vinu, wey trigu he egkehimu he supas niw, wey zuen daan menge kayu he ulibu wey menge teneb. Tumana niw is egkeǥiyen ku su para meuyag kew ne kenè kew mebpatey. Kenè kew pemineg ki Hezekia su edliveǥen kew zin dà emun egkaǥi sikandin te, ‘Edlibriyen kiw te Nengazen!’

Salmo 22:8

“Midsarig ke man buwa te Nengazen, ne maan is wazè ke zin libriya? Ke tutuu he nekepenunuat ka kandin, ne maan is wazè ke zin tevangi?”

Exodus 3:8

Ne umbe mibulus a su edlibriyen ku sikandan te menge pesipala kandan te menge tig-Ehipto, wey ibpaawè ku sikandan diyà te Ehipto ne ziyè ku sikandan ibpeubpà te tanà he meupiya wey meluag, tanà he egkeerubasa he ebpuunan te edtudà he ǥatas wey teneb he iyan ed-ubpaan te menge Canaanhen, Hitihanen, Amorihanen, Pirisihanen, Hivihanen wey Jebusihanen.

Isaias 62:4

Kenè ke en egngezanan he “Sinelikwey” etawa “Mekevulungbulung,” kekenà, egngezanan ke en he “Kelipey te Megbevayà” etawa “Esawa te Megbevayà,” su ingkelipey ka te Nengazen ne iring te mibpees-eseweey kew.

Jeremias 32:41

Igkelipey ku is kebaal te meupiya ziyà te kandan, ne ebpuun diyà te tivuuk he ǥehinawa ku is kebpeubpaa ku kandan kayi he tanà.”

Zefanias 3:17

Su zuma niw is Nengazen he Megbevayè niw. Iring sikandin te mekeǥeǥehem he sundaru he edlibri keniyu. Igkelipey kew zin, ne pinaaǥi te kebmahala zin keniyu ebeg-uwen din is untung niw. Egkanta sikandin wey ed-ugyab te kegkelipey tenged keniyu,

Numero 13:27

Migkeǥiyan dan si Moises te, “Midhendiyè key te lugar he impesusi nu kenami, meupiya heini wey selebpeten he tanà. Heini zed is nekuwa zey he menge prutas.

Numero 16:14

Ne liyu keniyan, wazè key kenikew dumaha ziyà te tanà he meupiya wey selebpeten wey wazè key kenikew veǥayi te menge vevesukà etawa pemuleey te paras he egkaangken dey. Ne ǥuntaan, egkesuat ke pa he edtuntu kenami? Kenè key edhendiyan te kenikew!”

Deuteronomio 10:15

Piru mibpilì te Nengazen is menge kepuun niw he iyan ebmahalen din, ne mibpilì kew zin daan is menge kevuwazan dan lavew te langun he menge nasyun, ne taman en guntaan iyan kew ǥihapun menge etew he pinilì din.

Josue 14:12

Umbe, iveǥey nu kediey is menge vuvungan he insaad kediey te Nengazen. Iyan ka mismu nekezineg dengan he iyan menge meǥinged kayi is menge kevuwazan ni Anak ne melig-en is menge inged dan he miberengbeng. Piru pinaaǥi te tavang te Nengazen edsegseǥen ku sikandan keniyan he tanà su iyan heeyan insaad din kediey.”