Numero 14:6 - Manobo Western Bukidnon OT

⁶ Ne si Josue he anak ni Nun wey si Caleb he anak ni Jefune, mibindas dan is bisti zan tenged te kegkeseeng dan. Heini sikandan is dezuwa, miduma te kebpeniid duen te tanà.

Numero 14:6 교차 참조

Genesis 37:29

Ne hein midlikuan ni Reuben haazà is budsi ne wazè en dutun si Jose, ne mibindas din is bisti zin su utew neseeng.

Genesis 37:34

Ne mibindas ni Jacob is bisti zin ne mibivisti te saku he tuus te kegkeseeng din. Neuǥet is kedlalew zin te anak din.

Genesis 44:13

Ne hein naahà heini zutun te teltelesuled, mibindas dan is menge ugelingen dan tuus te utew zan kegkeseeng. Migkergahan dan en maan is menge asnu zan ne midlikù dan diyà te inged.

2 Samuel 3:31

Dutun migkeǥiyan ni David si Joab wey kes langun he menge zuma zin te, “Bindasa niw is menge kumbalè niw, wey iyan niw ikukumbalà is saku. Ne ilalew niw si Abner zutun te edhipanew kew ziyà te egkehunaan te minatey he lawa ni Abner zutun te kedlevenga kandin.” Miduma si Hadì David te kedleveng.

2 Hadì 18:37

Ne zutun mibindas ni Eliakim, ni Shebna, wey ni Joa is bisti zan tenged te kegkeseeng dan, ne midhendiyè dan te ki Hezekia ne midtudtul zan is menge lalag duen te peremandar te menge sundaru.

1 Cronica 7:27

Nun, wey si Josue.

Job 1:20

Ne hein nezineg haazà ni Job, midhitindeg sikandin ne mibindas din is bisti zin tenged te kegkeseeng din. Ne impekiskisan din is ulu zin ne midlangkeb sikandin diyà te tanà te ked-azap te Nengazen.

Numero 13:30

Ne impehenek ni Caleb is menge etew ziyà te etuvangan ni Moises, ne ke sikandin te, “Egenat kiw en guntaan ne ed-eǥawen tew haazà is tanà, su siguradu he egkaaǥew tew heini.”

Numero 14:24

Piru nekeviza mulà kandan is suluǥuen ku he si Caleb su mibpezumazuma mulà kedì te ebpuun diyà te gehinawa zin, umbe ibpeseled ku mulà duen te tanà he mibeeyaan din, ne ebpekeubpà daan is menge kevuwazan din dutun he tanà.

Numero 14:30

he ebpekeseled duen te tanà he impenangdù ku he ibeǥey keniyu, gawas ki Caleb he anak ni Jefune wey ki Josue he anak ni Nun.

Numero 14:38

Duen te 12 he menge meniniid ne iyan dà wazà mebpatey, si Josue he anak ni Nun wey si Caleb he anak ni Jefune.

Numero 14:5

Ne si Moises wey si Aaron midluhud diyà te etuvangan te tivuuk he keet-etawan te Israel he netiǥum dutun.

Numero 14:7

Migkeǥiyan dan is menge Israilihanen te, “Utew meupiya sikan is tanà he mibeyaan dey.

Josue 14:6

Midhendiyà te ki Josue ziyà te Gilgal is nepipira he etew te tribu ni Juda. Is sevaha kandan iyan si Caleb he anak ni Jefune he Kinishanen. Migkaǥi sikandin te, “Egketenuzan nu pe be sikan is migkaǥi te Nengazen diyà te ki Moises he suluǥuen te Megbevayà mehitenged kenita te zezuwa hein diyè kiw pa te Kadesh Barnea?

Josue 7:6

Ne tenged te kegkeseeng, si Josue wey is ebpemendumala te Israel, mibindas dan is menge visti zan ne mibukbukan dan te eliyavuk is menge ulu zan, ne taman te mezukilem, midlangkeb dan diyà te etuvangan duen te Kavan te Kebpekid-uyun te Nengazen.

Zatù 11:35

Ne hein naahà sikandin ni Jefta, mibindas din is bisti zin tenged te kegkeseeng din, ne ke sikandin te, “Anak ku, midhimu nu he utew a meseeng! Su nekepenangdù a ziyà te Nengazen he ibpemuhat ku ziyà te kandin is egkehuna he edsinuǥung kedì, ne kenè ku en heini egkevelvelewanan!”