Numero 14:21 - Manobo Western Bukidnon OT

²¹ Piru ebpenangdù a, is uuyag he Nengazen, he mintras nekepenù te tivuuk he kelibutan is mekeǥeǥehem he kebpekiduma ku, tutuu zaan he

Numero 14:21 교차 참조

Salmo 57:6

Neseeng a su edlitaǥen a te menge kuntada ku. Ne mibangbang daan sikandan te para egkeuluǥan ku, piru iyan sikandan neulug duen.

Salmo 72:19

Ereg he edeliǥen is kegkemekeǥeǥehem din te wazà pidtemanan. Berakat he maahà te menge etew kayi te tivuuk he kelibutan is kegkemekeǥeǥehem din. Amen! Amen!

Exodus 9:16

Iyan, intuǥut ku he meuyag-uyag ka para kayi he ketuyu-an: su wey nu maahà is gehem ku ne wey a mevantug kayi te tivuuk he kelibutan.

Isaias 49:18

Ahaa nu is peliǥuy nu, is menge etew nu, midtiǥum en ne mid-uvey ziyà te kenikew. Siak, is uuyag he Nengazen, ebpenangdù a he igkepehivantug nu sikandan iring te kebpehivantug te vahi he ed-esewaan te menge zayandayan he egemiten din.

Isaias 6:3

Ne ebpekegkeǥiyà sikandan te: “Waǥas, waǥas, waǥas is Nengazen he Mekeǥeǥehem he is kebpekiduma zin nekeeneb te tivuuk he kelibutan.”

Jeremias 22:24

“Siak, is uuyag he Nengazen, ebpenangdù a he idselikwey ku sikew, Hadì Jehoyakin he hadì te Juda, he anak ni Jehoyakim. Minsan pa neiring ka te sising diyà te kewanan he velad ku ebpul-uten ku sikew.

Ezekiel 18:3

“Siak, is Nengazen he MEGBEVAYÀ he uuyag, edsaad a he kenè niw en egkeuman egkeerubasa heeyan kayi te Israel.

Ezekiel 20:36

Uya, edhukuman ku sikiyu iring te midhukuman ku is menge kepuun niw ziyà te sibsivayan te Ehipto. Iyan a, is Nengazen he MEGBEVAYÀ, is migkaǥi kayi.

Ezekiel 33:11

Ne ǥuntaan keǥiyi nu sikandan he siak, is Nengazen he MEGBEVAYÀ he uuyag, migkaǥi a he kenà a egkelipey emun duen ebpatey he lalung he etew. Iyan suat ku he engkezi zan is mezaat he menge vaal zan su wey zan meuyag-uyag. Umbe sikiyu is menge etew te Israel, engkezi niw en is mezaat he menge vaal niw. Maan is egkesuat kew he ebpatey?

Ezekiel 33:27

Iyan a, is uuyag he Nengazen he MEGBEVAYÀ, nenangdù he siguradu he ebpemematey te tebek sikan is nengesamà he uuyag duen te nerundus he inged. Is menge nengesamà he uuyag diyà te menge vevesukà edewiyen te zumezaas he menge langgam, ne is duma kandan he ziyà te menge elesà wey menge surung ebpematey te zaru.

Ezekiel 5:11

Iyan a, kes uuyag he Nengazen he MEGBEVAYÀ, ebpenangdù a he edezeetan ku sikiyu duma is kenà kegkehizu su midremerikan niw is baley ku pinaaǥi te ked-azap niw te zuma he menge ed-ezapen wey kebaal niw te utew mezaat he menge vaal.

Habakuk 2:14

Su is menge etew kayi te kelibutan, egkepenù te keuluwanen vahin te gehem te Nengazen, iring te zaǥat he nepenù te wahig.

Numero 14:28

Umbe, keǥiya niw heini ziyà te kandan: ‘Siak is uuyag he Nengazen, ebpenangdù a he ebeelan ku ziyà te keniyu is migkaǥi niw.

Deuteronomio 32:40

Guntaan ibayew ku is menge velad ku duma is kegkaǥi te, ‘Iring te uuyag a te wazà pidtemanan, ne kenà daan duwazuwa he egkemengaan ku is egkindab he ispada ku ne egemiten ku heini te kedsilut; ebelesan ku is menge kuntada ku wey edsukutan ku is ebpemendumut kediey.