13 Ne migkeǥiyan ni Moises is Nengazen te, “Hengkey is egkekaǥi te menge Ehiptohanen emun egketudtulan sikandan mehitenged kayi? Kenè be netuenan dan he pinaaǥi te ǥehem nu migkuwa nu is menge Israilihanen puun diyà te kandan?
Edezeetan en pezem te Megbevayà is menge etew zin ke wazà mebpeteliwazà si Moises is suluǥuen din he midhangyù he eǥena zin is pauk din ne kenè din leusa te edezaat sikandan.
Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!
Piru wazè ku heini himuwa, su midlevanan ku is dengeg ku su wey a kenà mependezeisey te menge etew ziyà te menge nasyun he nekeelingkus te Israel su netuenan dan he impahayag ku ziyà te menge Israilihanen he ibpeǥawas ku sikandan puun te Ehipto.
Ne minsan pa zutun, ne kenè ku idtuǥut he mekepezalig is menge kuntada he edhenduen te, ‘Nezaag tew sikandan te kenitew he ketau ne kenà iyan is Nengazen midhimu kayi.’ ”
Kenè kew ed-iniyuǥan te Nengazen, su kenè din egkesuatan he mepeel-elezi is ngazan din. Wey ingkelipey zin utew is kegkehimuwa zin keniyu he menge sakup din.
