Numero 13:31 - Manobo Western Bukidnon OT

³¹ Piru migkaǥi sikan is menge etew he zuma ni Caleb te neniid te, “Kenè kiw ebpekehimu he edsurung kandan su edhuna sikandan he melig-en kenitew.”

Numero 13:31 교차 참조

Numero 13:30

Ne impehenek ni Caleb is menge etew ziyà te etuvangan ni Moises, ne ke sikandin te, “Egenat kiw en guntaan ne ed-eǥawen tew haazà is tanà, su siguradu he egkaaǥew tew heini.”

Numero 32:7

Maan is id-awè niw is kezasig te menge Israilihanen te kedhendiyà te tanà he imbeǥey kandan te Nengazen?

Numero 32:9

Hein nekeuma zan en diyà te zal-ug he Eshcol wey nesusi zan en is tanà, mid-awè dan is kezasig te menge etew te kedhendiyà te tanà he imbeǥey kandan te Nengazen.

Deuteronomio 1:28

Ebmenumenu kiw te kedlaus? Hein mibpelihandek kiw zuen te nemeniid duen te tanà. Migkaǥi sikandan he is menge etew ziyà memezesen wey memelangkew pa kenitew, ne dezekelà is menge inged dan he nengeliǥuy te verengbeng he henduen be te ebpekeume en diyà te langit is ketikang din. Ne neehè dan pa zutun is menge kevuwazan te eregasi he si Anak.’

Deuteronomio 9:1

“Pemineg kew is menge etew te Israel. Guntaan edlayun kew en te Wahig he Jordan su para maangken niw en is menge nasyun he edhuna he dezekelà wey menge mekeǥeǥehem kenà keniyu. Dezekelà is menge inged dan ne memetikang is berengbeng duen su henduen be te ebpekesungkul en diyà te langit.

Josue 14:8

Piru mibpelihandek te menge zuma ku is menge etew. Piru siak, metinumanen a te kedsunud te Nengazen he Megbevayè ku.

1 Samuel 17:33

Midtavak si Saul te, “Kenè ka ebpekesukul te kebpekidtebek kandin. Batè ke pa ne sikandin mulà daan en he veǥani puun pa te vatè pa sikandin.”