Numero 13:23 - Manobo Western Bukidnon OT

²³ Ne hein nekeuma zan diyà te zal-ug he Eshcol, midtamped sikandan te sengerupung he paras, ne utew heini meveǥat umbe midtival haazà te zezuwa he etew. Mid-uwit daan sikandan te menge prutas he pumigranata wey higus.

Numero 13:23 교차 참조

Genesis 14:13

Duen sevaha he tig-Sodom he nekepelaǥuy, ne midhendiyà sikandin te Hebriyuhanen he si Abram ne impenudtul zin haazà is langun he neulaula. Dutun he timpu, ziyà si Abram med-ubpà te uvey te menge kayu he ulayan ni Mamre te Amorihanen. Heini si Mamre wey is menge suled din he si Iskul wey si Aner ne neupakat sikandan engki Abram.

Numero 13:24

Haazà he zal-ug migngezanan he Eshcol, tenged duen te sengerupung te paras he midtamped te menge Israilihanen.

Numero 32:9

Hein nekeuma zan en diyà te zal-ug he Eshcol wey nesusi zan en is tanà, mid-awè dan is kezasig te menge etew te kedhendiyà te tanà he imbeǥey kandan te Nengazen.

Deuteronomio 8:8

Heini he tanà duen kayi menge trigu, barli, paras, higus, pumigranata, ulibu, wey teneb.

Zatù 16:4

Dutun te huziyan he timpu, mibmahal ni Samson is sevaha he vahi he ziyà ed-ubpà te zal-ug he Sorek. Is ngazan din, iyan si Delila.