Numero 13:21 - Manobo Western Bukidnon OT

²¹ Umbe, midhipanew sikandan ne midsusi zan haazà is tanà puun te sibsivayan he Zin pehendiyà te Rehob he uvey te Lebo Hamat.

Numero 13:21 교차 참조

2 Samuel 8:9

Ne netuenan heini ni Hadì Tou he hadì te Hamat he nezaag ni David is langun he sundaru ni Hadadezer.

Jeremias 49:23

Iyan heini menge lalag mehitenged te Damascus: “Netingkemed is menge tig-Hamat wey menge tig-Arpad te mezaat he tudtul he nezineg dan. Neliveǥan sikandan wey kenà ebpekehulenà is ked-isip-isip dan; neiring dan te ebpemaǥel he zaǥat.

Jeremias 52:9

ne nezekepan sikandin. Ne mid-uwit dan sikandin diyà te hadì te Babilonia he ziyà te Ribla, he sakup te tanà he Hamat, ne zutun sikandin hukumi.

Ezekiel 47:16

pehendiyà te Berota, pehendiyà te Sibraim he ziyà te dulunà te Damascus wey Hamat, taman te Hazer Haticon he ziyà te zulunà te Hauran.

Amos 6:2

Egkeǥiyan niw is menge sakup niw te, “Ahaa niw is inged he Calne, wey is dekelà he inged he Hamat, wey is inged he Gat he sakup te Filistia. Hengkey, edhuna ve sikandan he mekeǥeǥehem te ginhedian te Juda wey Israel? Kenà. Edhuna ve he meluag is tanè dan te kenitew? Kenà daan.”

Numero 20:1

Hein nehuna he vulan nekeuma is tivuuk he keet-etawan te Israel ziyà te sibsivayan he Zin, ne migkampu zan diyà te Kadesh. Dutun mebpatey si Miriam wey zutun daan ileveng.

Numero 27:14

Su hein nekidsukulà kedì is menge Israilihanen diyà te serebseb diyà te sibsivayan he Zin, midsupak niw ki Aaron is suǥù ku te kebpaahà te kegkewaǥas ku ziyà te menge etew.” (Heini he serebseb iyan is Meriba Kadesh he ziyà te sibsivayan he Zin.)

Numero 34:8

ne puun te Buntud he Hor ebpehendiyà te Lebo Hamat. Ebpekevayà heini te Zedad

Deuteronomio 1:24

Ne midhipanew sikandan ne nekevayè dan te vuvungan, ne nekeuma zan diyà te zal-ug te Eshcol, ne neniid sikandan dutun.

Deuteronomio 32:51

Su pudu kew is dezuwa neewai te kedsarig kediey ziyà te etuvangan te menge Israilihanen hein diyè kew te serebseb te Meriba ziyà te Kadesh, he ziyà te sibsivayan he Zin. Wazè niw ikepaahà is kegkewaǥas ku ziyà te etuvangan dan.

Josue 13:5

Elin daan is tanà te menge Gibalnen, wey is tivuuk he Lebanon diyà te edsilaan, puun te Baal Gad diyà te lugtenaan te Buntud he Hermon taman te Lebo Hamat.

Josue 15:1

Is tanà he naangken te tribu ni Juda he mibahin diyà te kada pemilya zan. Nekeuma heini ziyà te dulunà te Edom he zapit egkezivavà, he sungkù te sibsivayan he Zin.

Zatù 18:28

Wazà neketavang te menge tig-Laish su meziyù haazà te Sidon wey wazà sikandan mebpekidsevaha te ziyà te zuma he inged. Is inged he Laish ne ziyà te menge suǥud he uvey te Bet Rehob. Ne mid-uman haazà benguna te menge kevuwazan ni Dan ne mid-ubpè dan dutun.